தாய்வானைச் சுற்றி, சீனாவின் இராணுவ விரிவாக்கத்தை எதிர்கொள்ள சமச்சீரற்ற உத்திகளை அமெரிக்கா பின்பற்றி வருகிறது. வரலாற்று ரீதியாக அதன் திறன் மற்றும் தொழில்நுட்பம் என்பவற்றை நம்பியிருக்கும் அமெரிக்க இராணுவம் தற்போது சீனாவை எதிக்கொள்வதற்கு ஏவுகணைகள் மற்றும் ட்ரோன்கள் குறித்து கவனம் செலுத்தியுள்ளது. பாரிய சீன படைக்கு எதிராக அமெரிக்க திறன்களை மேம்படுத்துவதை நோக்கமாகக் கொண்டு புத்தாக்கத் திட்டம் மற்றும் பனிப்போர் கால திட்டங்களின் மறுமலர்ச்சி போன்ற முயற்சிகள் வலியுறுத்தப்பட்டுள்ளது.இவற்றில் விரைவான முன்னேற்றங்கள் இருந்தபோதிலும், அமெரிக்காவின் பிராந்திய செல்வாக்கின் நிலைத்தன்மை அதன் பாதுகாப்பு தொழில்துறை தளத்தை புதுப்பிப்பதில் தங்கியுள்ளது. ஏனெனில் மேம்பட்ட ஆயுதங்களின் பெரிய கையிருப்பு மூலோபாய சமநிலையை பராமரிக்க அவசியமானதாகும். இந்த முன்னேற்றங்கள் சீனாவின் வளர்ந்து வரும் இராணுவ அச்சுறுத்தலை சமநிலைப்படுத்த புதுமையான தீர்வுகளில் கவனம் செலுத்தும் ஒரு மூலோபாய மையத்தை அடிக்கோடிட்டுக் காட்டுகிறது.
சீனாவின் இராணுவக் கட்டமைப்பை எதிர்கொள்ள சமச்சீரற்ற போருக்கு அமெரிக்கா திரும்புகிறது. இதே வேளை சீனா தனது இராணுவத்திற்கு ஈடுகொடுக்க சமச்சீரற்ற போரை ஒரு காலத்தில் நம்பியிருந்தது குறிப்பிடத்தக்கது.
போர்க்கப்பல்கள், விமானங்கள் மற்றும் தாங்கிகள் போன்ற குறிப்பிடத்தக்க எண்ணிக்கையிலான இராணுவ தளங்களைக் கொண்டு எதிரியை வீழ்த்தும் திறன் உட்பட, அதன் எதிரிகளை விட தொழில்துறை மற்றும் தொழில்நுட்ப மேன்மையை கொண்டதாக அமெரிக்கா காணப்படுகிறது. இரண்டாம் உலகப் போரின் முடிவில், உலகின் உற்பத்தித் திறனில் பாதியை அமெரிக்கா கொண்டிருந்தது.
அண்மைக் காலம் வரை, ஒரு பசிபிக் எல்லை நாடுகளுக்கிடையிலான மோதலில் அமெரிக்காவை இழுத்துவிடக்கூடிய செயற்பாடுகள் நடைபெறுவதாக அவதானிக்கப்படுகிறது.
1996 ஆம் ஆண்டில், அமெரிக்க கடற்படை 12 விமானம் தாங்கி கப்பல்கள், 79 தாக்குதல் நீர்மூழ்கிக் கப்பல்களை கொண்டிருந்தது. மக்கள் விடுதலை இராணுவ (பிஎல்ஏ) கடற்படையில் 1970கள் மற்றும் 1980களின் பழைய 52 நாசகார கப்பல்கள் மற்றும் போர் கப்பல்கள் மற்றும் 77 நீர்மூழ்கிக் கப்பல்கள் இருந்தன. அந்த ஆண்டு, தாய்வானை மிரட்டும் நோக்கத்தில் மக்கள் விடுதலை இராணுவம் பயிற்சிகளை மேற்கொள்ள நடவடிக்கை எடுத்திருந்த நிலையில் அதற்குப் பதில் வழங்கும் வகையில் அமெரிக்கா இரண்டு விமானம் தாங்கி போர்க்கப்பல்களை அனுப்பியதன் மூலம் சீன கடற்படையை அவமானப்படுத்தியது.
மக்கள் விடுதலை இராணுவத்துடன் ஒப்பிட முடியாதளவு அமெரிக்க படைகள் மேம்பட்ட கப்பல்கள் மற்றும் விமானங்களைக் கொண்டிருந்தன.
அண்மைய தலைமுறை போர் விமானங்களை விட மலிவான மற்றும் குறைந்த தொழில்நுட்ப தேவை கொண்ட ஏவுகணைகளை உருவாக்குவதில் சீனர்கள் தங்கள் திறமையை பயன்படுத்தி வருகின்றனர். குறைந்தபட்சம் இரண்டு தசாப்தங்களாக மக்கள் விடுதலை இராணுவமானது அமெரிக்கப் படைகளுடன் நேரடியாகப் போட்டியிடக்கூடிய நவீன தளங்களின் பற்றாக்குறையை ஈடுசெய்ய ஏவுகணைகளைப் பயன்படுத்தி வருகிறது.
1996 நெருக்கடியின் போது தாய்வானின் இரண்டு பெரிய துறைமுகங்களை தற்காலிகமாக முற்றுகையிட போர்க்கப்பல்களுக்குப் பதிலாக பீஜிங் ஏவுகணைகளைப் பயன்படுத்தியது.அமெரிக்க கடற்படை பணிக்குழுவின் கோட்பாட்டு பிராந்திய தலையீட்டிற்கு ஏவுகணைகள் மிகவும் வலிமையான அச்சுறுத்தலாக இருந்தன.சீன DF-21 ஏவுகணை 1991 இல் சேவையில் நுழைந்தது. மேம்படுத்தப்பட்ட DF-21D ஏவுகணையை சீனா 2006 இல் பயன்படுத்தியது.
அமெரிக்கா பல ஆயுத கட்டமைப்புகளில் உலகின் உச்சத்தில் இருந்தாலும், அது உலகை வெல்லும் ஆயுத உற்பத்தி திறனை இனி அனுபவிக்காது.உக்ரைனுக்கு பாதுகாப்பு உதவி வழங்குவதிலும் சீனாவுடன் சாத்தியமான மோதலுக்காக இருப்புக்களை பராமரிக்கவும் அமெரிக்கா போராடி வருகிறது. ஆயிரக்கணக்கான நிறுவனங்கள் அமெரிக்க பாதுகாப்புத் துறைக்கு ஆயுதங்களை வழங்குவதை நிறுத்திவிட்டன. மேலும் அமெரிக்கப் பாதுகாப்புப் பிரிவுகளில் 1985ல் இருந்த பணியாளர்களின் எண்ணிக்கையில் மூன்றில் ஒரு பங்கு மட்டுமே தற்போது உள்ளது.
மறுபுறம் சீனா, ஜனநாயகம் இல்லாத உலகின் ஆயுதக் களஞ்சியமாக மாறியுள்ளது. மக்கள் விடுதலை இராணுவ கடற்படையில் தற்போது 370 கப்பல்கள் உள்ளன. இதற்கு மாறாக, அமெரிக்க கடற்படையில் 292 கப்பல்கள் உள்ளன. 2030 ஆம் ஆண்டின் இறுதியில் சீனாவின் கடற்படை 435 ஆக உயரும் என எதிர்பார்க்கப்படுகிறது. அதே நேரத்தில் அண்மைய கணிப்புகளின் அடிப்படையில் அமெரிக்க கடற்படை 290 ஆக சிறிது சுருங்கும். மேலும், அமெரிக்க கடற்படையின் சொத்துக்கள் உலகம் முழுவதும் பரவியுள்ளன.அதே நேரத்தில் சீனா தனது படைகளை கிழக்கு ஆசியாவில் குவிக்க வாய்ப்புள்ளதாக கருதப்படுகிறது.
பலம்வாய்ந்த இராணுவ பலத்தை வெளிப்படுத்தி போராடாமல் வெற்றி பெறுவது தான் சீனாவின் உத்தி. அமெரிக்க இராணுவம் சீனாவின் இராணுவ வலிமையை பொருத்த சமச்சீரற்ற நிலையில் செல்கிறது.சீனாவின் உற்பத்தித் திறனைத் தக்க வைத்துக் கொள்ள முடியாமல், உயர்ந்த சீன இராணுவப் பிரச்சினைக்கு அமெரிக்கா சமச்சீரற்ற அணுகுமுறைகளை வளர்த்து வருகிறது.
அமெரிக்க பாதுகாப்புப் படை ஆயிரக்கணக்கான வான்வழி ட்ரோன்கள் மற்றும் ஆளில்லா தற்கொலைப் படகுகளுடன் தயார் நிலையில் உள்ளது.தாய்வான் ஜலசந்தி போரின் முதல் 24 மணி நேரத்தில் ஆயிரம் சீன “இலக்குகளை” தாம் குறிவைப்பதாக இந்தோ-பசிபிக் பிராந்தியத்தில் உள்ள அமெரிக்கப் படைகளின் தளபதியான கொமாண்டர் ஜோன் அகுயிலினோ கூறியுள்ளார்.
மக்கள் விடுதலை இராணுவம் அதன் இராணுவ உருவாக்கம் மற்றும் நவீனமயமாக்கலைத் தொடர்ந்து முன்னெடுத்து வருகிறது. அமெரிக்கா குறுகிய காலத்தில் மக்கள் விடுதலை இராணுவத்திற்கு மூலோபாய பாதிப்புகளை நிவர்த்தி செய்வதற்கான வழிகளைக் கண்டறிந்தாலும், வலுவான பாதுகாப்பு தொழில்துறை அடித்தளம் இல்லாமல் பிராந்திய செல்வாக்கை நடுத்தர காலத்தில் பராமரிக்க முடியாது. உண்மையில், சமச்சீரற்ற அணுகுமுறைகளுக்கு கூட ஆயுதங்களின் பெரிய கையிருப்பு தேவைப்படுகிறது.
2023 இல் வெளியிடப்பட்ட மூலோபாய மற்றும் சர்வதேச ஆய்வுகளுக்கான மையத்தால் நடத்தப்பட்ட மிகவும் மேற்கோள் காட்டப்பட்ட தாய்வான் ஜலசந்தி போர் விளையாட்டுகளின் முடிவுகள், தாய்வானைக் கைப்பற்றுவதற்கான சீன முயற்சி தோல்வியடையும் என்பதைக் குறிக்கிறது. இருப்பினும், அமெரிக்க இராணுவமும் மக்கள் விடுதலை இராணுவமும் பாரிய இழப்புகளை சந்திக்கும். இந்த முடிவு கூட சீனாவிற்கு சாதகமாக இருக்கும்.ஏனெனில் தொழில்துறையில் பலவீனமான அமெரிக்காவை விட சீனா தனது படைகளை விரைவாக மீண்டும் கட்டியெழுப்ப முடியும். இதனால் பீஜிங் பிராந்தியத்தில் மூலோபாய தலைவர் என்ற சவாலற்ற நிலையை ஏற்க அனுமதிக்கிறது.
