இலங்கையில் Dell தயாரிப்புகளின் உத்தியோகபூர்வ விநியோகஸ்தரான சிங்கர், 13ஆவது தலைமுறை Inspiron மற்றும் Vostro தனிநபர் மற்றும் வர்த்தகப் பயன்பாட்டுக்கான Dell சாதனங்களை அறிமுகம் செய்வதாக உத்தியோகபூர்வமாக அறிவித்துள்ளது. இலங்கையில் இந்த சாதனங்களின் அங்குரார்ப்பண அறிமுகத்தை இது குறிக்கின்றது. சிங்கரிலிருந்து பெறப்படும் ஒவ்வொரு Dell தயாரிப்புக்கும் சிங்கரின் உத்தியோகபூர்வ உத்தரவாதமும் அடங்குகின்றது.
ஒரு பொறுப்பான விநியோகஸ்தர் என்ற வகையில், சிங்கர் தனது அனைத்து தயாரிப்புகளும் முறையான மற்றும் சட்டபூர்வமான வழிமுறையில் பெறப்படுவதை உறுதி செய்வதில் மிகுந்த கவனம் செலுத்துகிறது. தேவையான ஒழுங்குமுறைகள் மற்றும் நடைமுறைகளுக்கு இணங்குவதன் மூலம், விநியோக செயல்முறையின் நேர்மைப்பாட்டைப் பேணுவதன் மூலம், அங்கீகரிக்கப்பட்ட மார்க்கங்கள் மூலம் தான் வழங்கும் சாதனங்கள் பெறப்படுகின்றன என்று சிங்கர் உத்தரவாதம் அளிக்கிறது. சிங்கர் தனது விநியோக செயல்முறையில் கொண்டுள்ள அர்ப்பணிப்பு காரணமாக, சிங்கர் ஸ்ரீலங்கா நிறுவனம் தொடர்ந்து மூன்றாவது முறையாக இலங்கையில் ‘ஆண்டின் சிறந்த விநியோகஸ்தர், வாடிக்கையாளர் தீர்வுகள் குழு (வணிகம்)’ என்ற விருதை சுவீகரித்துள்ளது.
மேலும், சிங்கர் தனது வாடிக்கையாளர்களுக்கு சந்தையில் மிகவும் நியாயமான விலைகளை வழங்குவதற்கு தொடர்ந்து முயற்சிக்கிறது. தற்போதைய அறிமுகத்திலும் இந்த அணுகுமுறை பின்பற்றப்படுகின்றது. குறைவடைந்துள்ள நாணய மாற்று வீதங்கள் மற்றும் சாதகமான தேசிய பொருளாதார சூழ்நிலைகள் மூலம் பெறப்படும் அனைத்து நன்மைகளும் நுகர்வோருக்கு வழங்கப்படுவதை சிங்கர் உறுதி செய்கிறது.
மேலும், புதிதாக அறிமுகப்படுத்தப்பட்ட Vostro மற்றும் Inspiron தயாரிப்பு வரிசைகள் மேம்படுத்தப்பட்ட தொழில்நுட்ப விபரக்குறிப்புகளுடன் வெளிவருகின்றன. இந்த தயாரிப்பு வடிவங்கள் Intel i3, i5 மற்றும் i7 செயலிகளால் இயக்கப்படும் தயாரிப்பு வகைகளைக் கொண்டுள்ளதுடன், இது முந்தைய வடிவங்களுடன் ஒப்பிடும்போது செயல்திறனில் குறிப்பிடத்தக்க மேம்பாட்டை அளிக்கின்றன. பயனர்கள் அன்றாடப் பணிகளில் ஈடுபட்டிருந்தாலும் அல்லது மல்டிமீடியா எடிட்டிங் அல்லது கேமிங் போன்ற அதிக சிரமமான செயல்களில் ஈடுபட்டிருந்தாலும், பயனர்கள் மிகவும் திறமையான மற்றும் சக்திவாய்ந்த கணனி அனுபவத்தை அனுபவிக்க முடியும் என்பதை இது உறுதி செய்கிறது.
ஒட்டுமொத்தமாக, சிங்கரின் சட்டதிட்டங்களுக்கான அர்ப்பணிப்பு, சாதகமான நாணய மாற்று வீதங்களின் அனுகூலம் மற்றும் உயர்-செயல்திறன் பாகங்களை உள்ளிணைத்தல் ஆகியவை வாடிக்கையாளர்களுக்கு ஒரு வசீகரிக்கும் சலுகையை ஏற்படுத்தியுள்ளன. சிங்கர் மூலம் கிடைக்கும் சமீபத்திய Dell சாதனங்களில் நன்மதிப்புடைய விநியோக செயல்முறை, கட்டுப்படியான விலை மற்றும் சிறந்த செயல்திறன் ஆகியவற்றின் பலன்களை பயனர்கள் இப்போது அனுபவிக்க முடியும்.
புதிய Dell சாதனங்களை சிங்கரின் இணையவழி விற்பனை மார்க்கத்தின் மூலமாகவோ அல்லது நாடு முழுவதும், எந்த இடத்திலும் அமைந்துள்ள சிங்கர் அங்கீகரிக்கப்பட்ட முகவர் விற்பனை மையங்கள் மூலமாகவோ பெற்றுக் கொள்ளலாம். மேலதிக தகவல் விபரங்களை அறிந்து கொள்ள, https://www.singersl.com/ என்ற இணையத்தளத்தை நாடவும்.
