அண்மையில் இடம்பெற்ற TAGS Awards 2023 இல் நான்கு விருதுகளை DIMO நிறுவனம் வென்றுள்ளது. இலங்கையின் பட்டயக் கணக்காளர் நிறுவகத்தினால் ஏற்பாடு செய்யப்பட்ட இவ்விருது வழங்கும் விழாவில், கூட்டாண்மை அறிக்கையிடலுக்கான அர்ப்பணிப்புக்காக, DIMO நிறுவனத்திற்கு இந்த அங்கீகாரம் வழங்கப்பட்டுள்ளது.
ஒருங்கிணைந்த அறிக்கையிடலில் சிறந்து விளங்கியமைக்கான, தங்க விருதின் இணை வெற்றியாளராக தெரிவான DIMO, ‘Diversified Holdings – Group Turnover up to 50Bn’ பிரிவில் தங்க விருதையும் வென்றது. அத்துடன், டிஜிட்டல் யுகத்தில் பெருநிறுவன அறிக்கையிடலுக்கான நிறுவனத்தின் புத்தாக்கமான அணுகுமுறைக்காக, ‘Digitally Transformative Reporting’ பிரிவில் வெள்ளி விருதின் இணை வெற்றியாளராக DIMO தெரிவு செய்யப்பட்டது. இறுதியாக, ‘Sustainability Reporting’ இல் சிறந்து விளங்குவதற்கு அது கொண்டுள்ள அர்ப்பணிப்புக்காக வெண்கல விருதையும் நிறுவனம் பெற்றுக் கொண்டமை குறிப்பிடத்தக்கது.
