தனுஷின் கேப்டன் மில்லர் மற்றும் சிவகார்த்திகேயனின் அயலான் திரைப்படம் பொங்கல் பண்டிகையை முன்னிட்டு எதிர்வரும் 12 ஆம் திகதி வெளியாகவுள்ளது. இதையடுத்து கேப்டன் மில்லர் மற்றும் அயலான் திரைப்படத்தில் எந்த படம் ரசிகர்களின் ஆதரவை பெரும் என ரசிகர்களால் கணிக்கப்பட்டுள்ளது.
பொங்கல் பண்டிகையை முன்னிட்டு தமிழில் முன்னணி நட்சத்திரங்களின் படங்கள் வெளியாகவுள்ளன. தனுஷ் நடிப்பில் அருண் மாதீஸ்வரன் இயக்கத்தில் உருவான கேப்டன் மில்லர் திரைப்படமும், சிவகார்த்திகேயன் நடிப்பில் உருவாகியுள்ள அயலான் திரைப்படமும், அருண் விஜய் நடிப்பில் உருவான மிஷன் திரைப்படமும் வெளியாகவுள்ளன. மேலும் ஐஸ்வர்யாவின் இயக்கத்தில் ரஜினி சிறப்பு தோற்றத்தில் நடித்த லால் சலாம் திரைப்படம் பொங்கலுக்கு வெளியாக இருந்தது.
ஆனால் தற்போது லால் சலாம் திரைப்படத்தின் ரிலீஸ் தள்ளிவைக்கப்பட்டு இருப்பதாக தெரிகின்றது. எனவே பொங்கல் பண்டிகைக்கு கேப்டன் மில்லர் மற்றும் அயலான் படத்திற்கு இடையே கடுமையான மோதல் இருக்கும் என எதிர்பார்க்கப்பட்டு வருகின்றது. ஏற்கனவே ரசிகர்கள் தனுஷ் மற்றும் சிவகார்த்திகேயன் இடையே போட்டி இருந்து வருவதாக கூறி வருகின்றனர்.
எனவே கேப்டன் மில்லர் மற்றும் அயலான் இடையே பலத்த போட்டி இருக்கும் என எதிர்பார்க்கப்படுகின்றது. இதற்கிடையில் ரசிகர்கள் அயலான் மற்றும் கேப்டன் மில்லர் படத்தில் எந்த படத்திற்கு அதிக ஆதரவு கிடைக்கும் என கணித்து வருகின்றனர்.
ரவிக்குமார் இயக்கத்தில் சிவகார்த்திகேயன் நடித்துள்ள அயலான் திரைப்படத்திற்கு ஏ.ஆர் ரஹ்மான் இசையமைத்துள்ளார். ஏலியன் கதையம்சம் கொண்ட படமாக அயலான் உருவாகியுள்ளது. வித்யாசமான கதைக்களத்தில் அயலான் உருவாகியுள்ளதால் இப்படத்திற்கு மிகப்பெரிய எதிர்பார்ப்பு இருக்கின்றது. மேலும் இப்படம் குழந்தைகளுக்கும், குடும்பங்களுக்கும் பிடித்தமான படமாக இருக்கும்.
பொதுவாக சிவகார்த்திகேயன் படம் என்றாலே குடும்பம் குடும்பமாக வந்து பார்ப்பார்கள். எனவே இப்படத்தை குழந்தைகள் முதல் பெரியவர்கள் வரை அனைவரும் வந்து பார்ப்பார்கள் என்றே தெரிகின்றது. மறுபக்கம் தனுஷின் கேப்டன் மில்லர் திரைப்படம் முழுக்க முழுக்க ஆக்ஷன் படமாக உருவாகியுள்ளது. ரத்தம் தெறிக்க தெறிக்க ஆக்ஷன் படமாக உருவாகியுள்ள கேப்டன் மில்லர் திரைப்படத்திற்கு இளைஞர்கள் மத்தியில் மிகப்பெரிய எதிர்பார்ப்பு இருக்கின்றது.
ஆனால் கேப்டன் மில்லர் திரைப்படம் அதிரடி ஆக்ஷன் படம் என்பதால் இப்படத்தை குடும்ப ரசிகர்கள் திரையில் வந்து பார்ப்பது சற்று சந்தேகம் தான். எனவே அயலான் திரைப்படத்திற்கு குடும்பம் மற்றும் குழந்தைகளின் ஆதரவு இருக்கும் என்பதால் இப்படம் மிகப்பெரிய வசூலை பெரும் என தெரிகின்றது. அதே போல கேப்டன் மில்லர் திரைப்படத்திற்கு இளைஞர்களின் ஆதரவு இருக்கும் என்றும், விமர்சன ரீதியாக இப்படம் பாராட்டை பெரும் என ரசிகர்களால் கணிக்கப்பட்டு வருகின்றது. எனவே இவ்விரு படங்களில் அயலான் திரைப்படம் வசூலை பொறுத்தவரை முன்னிலையில் இருக்கும் என எதிர்பார்க்கப்படுகின்றது குறிப்பிடத்தக்கது.
