விமானம் ஏரியில் விழுந்து தென்சூடானில் 19 பேர் பலி | தினகரன்

விமானம் ஏரியில் விழுந்து தென்சூடானில் 19 பேர் பலி

தென் சூடானில் பனி மூட்டத்திற்கு மத்தியில் தரையிறங்க முயன்ற சிறு பயணிகள் விமானம் ஒன்று ஏரியில் விழுந்து 19 பேர் உயிரிழந்துள்ளனர்.

கடந்த ஞாயிற்றுக்கிழமை இடம்பெற்ற இந்த விபத்தில் இரு சிறுவர்கள் உட்பட நால்வர் உயிர் தப்பியிருப்பதாக அரச அதிகாரி ஒருவர் குறிப்பிட்டுள்ளார். இதில் விமான ஓட்டி, உதவி விமானி ஆகியோரும் கொல்லப்பட்டுள்ளனர்.

தலைநகர் ஜுபாவில் இருந்து யிரோல் நகரை நோக்கி 23 பேருடன் பறந்துகொண்டிருந்த விமானமே இவ்வாறு விபத்துக்கு உள்ளாகியுள்ளது. “விமானம் வரும்போது அதிக பனிமூட்டமாக இருந்தது. அது தரையிறங்க முயன்றபோது யிரோல் நகருக்கு அருகிலுள்ள யிரோல் ஏரியில் விழுந்துள்ளது” என்று பிராந்திய அரசின் அமைச்சரான அபேல் அகுவேக் குறிப்பிட்டார்.   


Add new comment

Or log in with...