இந்திய கடற்படை பாய்மரக் கப்லான (INSV) தாரிணி சுமார் இரண்டு மாத கால வரலாற்று சிறப்புமிக்க கடல் பயணத்திற்கு பிறகு கடந்த ஏப்ரல் 21 அன்று கோவா துறைமுகத்திற்கு வெற்றிகரமாக திரும்பியது.
இந்திய கடற்படையின் கூற்றுப்படி, இந்திய கடற்படையின் இரண்டு பெண் அதிகாரிகளான லெப்டினன்ட் தில்னா மற்றும் லெப்டினென்ட் ரூபா ஆகியோரால் இந்த பயணம் மேற்கொள்ளப்பட்டது. இரண்டு பெண் கடற்படை அதிகாரிகளின் விதிவிலக்கான பயணம் ஒரு வரலாற்று மைல்கல்லைக் குறிக்கிறது. அவர்கள் இந்தியாவிலிருந்து இதுபோன்ற சாதனையைச் செய்த முதல் நபர் என்ற சாதனையைப் படைத்துள்ளனர்.
பாலின சமத்துவத்தை ஊக்குவிப்பதற்கும் கடல்சார் துறையில் பெண்களுக்கு அதிகாரம் அளிப்பதற்கும் படையின் அர்ப்பணிப்பை இந்த பயணம் அடிக்கோடிட்டுக் காட்டுகிறது என்று இந்திய கடற்படை கூறுகிறது.
இந்த குறிப்பிடத்தக்க சாதனை ஊக்கமளிப்பது மட்டுமல்லாமல், எதிர்கால சந்ததியினருக்கு குறிப்பாக கடற்படையில் உள்ள பெண்களுக்கு சவாலான கடல் சாகச நடவடிக்கைகளுக்கு தன்னார்வத் தொண்டு செய்ய வழி வகுக்கும்.
இந்திய கடற்படை, உலகெங்கிலும் உள்ள சில முன்னணி கடற்படைப் படைகளைப் போலவே, பெண்களுக்கான வாய்ப்புகளை விரிவுபடுத்தி வருகிறது.
கடந்த ஆண்டு டிசம்பரில் 2023 ஆம் ஆண்டு கடற்படை தின கொண்டாட்டத்தின் போது, இந்தியப் பிரதமர் நரேந்திர மோடி, கடற்படை உள்ளிட்ட ஆயுதப் படைகளில் பெண்களின் பலத்தை அதிகரிக்க அரசாங்கம் உறுதிபூண்டுள்ளதாகக் கூறியிருந்தார்.
அடுத்த 30-35 ஆண்டுகளுக்குள் ஒரு பெண், தலைமைத் தளபதியாக வர வேண்டும் என்ற இந்திய கடற்படையின் விருப்பத்தை கடற்படைத் தளபதி அட்மிரல் ஹரி குமார்,அண்மையில் கூறியிருந்தார்.
டிசம்பர், 2023, இந்திய கடற்படையின் வரலாற்றில் ஒரு வரலாற்று முக்கியமான மாதமாகும், ஏனெனில் கடற்படை கப்பலில் (INS திரிகாந்த்) முதல் பெண் கட்டளை அதிகாரியை நியமிப்பதாக கடற்படை அறிவித்தது.
இதற்கிடையில், இந்திய கடற்படை கடந்த ஆண்டு 1,000 க்கும் மேற்பட்ட பெண்களை படையில் இணைத்தது.
இந்திய கடற்படை அதன் பெண் அதிகாரமளிக்கும் கொள்கையை ஒரு புதிய உச்சத்திற்கு கொண்டு செல்ல தயாராக உள்ளது.அதன் நீர்மூழ்கிக் கப்பல் உட்பட அனைத்து பிரிவுகளிலும் பெண்களுக்கு வாய்ப்பளிக்க நடவடிக்கை எடுக்கப்பட்டுள்ளது,
நீர்மூழ்கிக் கப்பல் பணிகளில் பெண்கள் பங்கேற்பது ஒரு புதிய நிகழ்வு அல்ல. உலகெங்கிலும் உள்ள பல முன்னணி நாடுகளின் கடற்படைப் படைகளில் மூன்று தசாப்தங்களுக்கும் மேலாக நீர்மூழ்கிக் கப்பல்களில் பணியாற்றும் பெண்கள், அதிகாரிகள் போன்றோர் உயர் பதவிகளில் உள்ளனர்.
1985 இல் நோர்வே தனது கடற்படையில் பெண்களை முதன்முதலில் இணைத்தது. நாடு 1995 இல் தனது முதல் பெண் நீர்மூழ்கிக் கப்பல் கெப்டனாக நியமிக்கப்பட்டது.
ஸ்வீடன், ஆஸ்திரேலியா மற்றும் ஸ்பெயின் ஆகியவை 1990 களில் பெண்களை நியமித்ததோடு கனடா மற்றும் ஜெர்மனி 2000 களில் தங்கள் நீர்மூழ்கிக் கப்பலில் பெண்களை உள்வாங்கியது.
பின்னர் 2010 களில், அமெரிக்கா, இங்கிலாந்து மற்றும் பிரான்ஸ் ஆகியவை தங்கள் நீர்மூழ்கிக் கப்பல்களில் பெண் அதிகாரிகளை நியமித்தன. ஜப்பான் மற்றும் தென் கொரியா ஆகியவை முறையே 2018 மற்றும் 2023 இல் பாதையைப் பின்பற்றின.
2023 ஆம் ஆண்டில் பெண்களை நீர்மூழ்கிக் கப்பல் போரில் ஈடுபடுத்தும் முடிவை இந்தியா எடுத்த்து.
நீர்மூழ்கிக் கப்பல்களில் பெண் அதிகாரிகள் பணிபுரியும் மற்ற முன்னணி நாடுகளின் அறிவைப் பெறுவதன் மூலம், 1997 ஆம் ஆண்டில் மேற்பரப்புக் கப்பல்களில் பெண்களை உள்வாங்கிய இந்திய கடற்படை, இந்திய கலாச்சார சூழலில் உள்ள சிக்கல்களைக் கையாளும் என்று நிபுணர்கள் நம்புகின்றனர்.
