தோட்ட உத்தியோகத்தர்கள் மூவரை கடத்திச் சென்று தாக்கிய நால்வர் கைது

உதவித்தோட்ட அதிகாரி உட்பட மேலும் இரண்டு தோட்ட உத்தியோகத்தர்களை கடத்திச் சென்று தாக்குதல் நடத்திய குற்றச்சாட்டில் நால்வர் கைது செய்யப்பட்டுள்ளனர்.

யட்டியாந்தோட்டை ஹல்கொல்லை தோட்ட உதவி முகாமையாளர், களநிலை அதிகாரி மற்றும் பாதுகாப்பு உத்தியோகத்தர் ஆகியோரே இவ்வாறு கடத்திச் செல்லப்பட்டுள்ளதாக பொலிஸார் தெரிவித்தனர்

உத்தியோகத்தர்கள் மைதானமொன்றில் கிரிக்கெட் விளையாடிக் கொண்டிருந்த போது அவ்விடத்திற்கு ஆயுதங்களுடன் வந்த வன்முறைக்கும்பல் வேன் ஒன்றில் கடத்திச்சென்றதாகவும் தகவலறிந்த பொலிஸார் உரிய இடத்துக்குச் சென்று தோட்ட அதிகாரிகளை மீட்டு கரனவல்ல வைத்தியசாலையில் அனுமதித்துள்ளனர்.

மேலதிக விசாரணைகளை பொலிஸார் மேற்கொண்டு வருகின்றனர்.