– எதிர்ப்பாளர்கள் போராட்டங்களைத் தொடர முடிவு
பலுகிஸ்தான் மாகாணத்தில் சட்டத்திற்குப் புறம்பான கொலைகளுக்கு எதிராக நடந்து வரும் பலூச் போராட்டம் ‘பொறுப்பற்றது’ மற்றும் ‘ஆத்திரமூட்டும் ‘ பாகிஸ்தானின் பதில் பிரதமர் அன்வருல்-ஹக்-கக்கர் கூறியதாக டான் நியூஸ் தெரிவித்துள்ளது.
லாகூரில் பலுகிஸ்தான் விவகாரம் தொடர்பில் செய்தியாளர் மாநாட்டில் கருத்துத் தெரிவித்த கக்கர், பலூச் போராட்டத்தை ஆதரிப்பவர்கள் “பலோச் போராளிகளுடன்” சேரலாம் என்றும் கூறினார்.
“பலுகிஸ்தானில் உள்ள பயங்கரவாதிகளின் சட்டத்தரணிகளை எவ்வாறு கையாள்வது என்பது எங்களுக்குத் தெரியும்,” என்று அவர் கூறிய அவர் பயங்கரவாதிகளுக்கு ஆர்வலர்கள் மற்றும் பத்திரிகையாளர்கள் ஆதரிப்பதாகவும் குற்றஞ்சாட்டியுள்ளார்.
இஸ்லாமாபாத்தில் பலூச் எதிர்ப்பாளர்களுக்கு எதிரான பொலிஸ் வன்முறையை பிரயோகித்த விவகாரம் குறித்து ஊடகங்களுக்கு பதிலளித்த காபந்து பிரதமர், சில பொதுமக்கள் – ஊடகவியலாளர்கள் போன்றோர் மக்களை தவறாக வழிநடத்த முயற்சிக்கிறார்கள், தங்களை மனித உரிமைகளின் போலி ஹீரோக்களாக மாற்றி, அரசுக்கு சேதம் விளைவிப்பதாகவும் அவர் கூறினார்.
“போராட்டக்காரர்களின் அன்புக்குரியவர்களும், நெருங்கியவர்களும் காணாமல் போனதால், போராட்டக்காரர்களின் உரிமையை நாங்கள் இன்னும் மதிக்கிறோம். ஆனால் அவர்கள் [போராளிகள்] அரசுக்கு எதிராகப் போராடுகிறார்கள் என்பதையும் அவர்கள் அறிந்திருக்க வேண்டும். இது வெளிநாட்டு உதவியுடன் மேற்கொள்ளப்படும் ஆயுதமேந்திய கிளர்ச்சியாகும்,” என்றும் அவர் குற்றஞ்சாட்டினார்.
போராட்டக்காரர்களுக்கு எதிராக தண்ணீர் பிரயோகம் மேற்கொள்ளப்படுவதை மனித உரிமைப் பிரச்சினைகளாகக் காண்பிக்க சிலர் முயற்சிப்பதாகவும் பலுகிஸ்தானில் சாதாரண மக்களைக் கொல்வது யார் என்பதை அவர்கள் விளக்க வேண்டும் என்றும் அவர் கூறினார்.
“பாகிஸ்தான் அரசுக்கு எதிராக ஆயுதமேந்தி கலகத்தில் ஈடுபட்டது யார்? பட்டதாரிகள் என்று அழைக்கப்படுபவர்கள் பலுகிஸ்தானுக்குச் சென்றால் அவர்களும் கொல்லப்படுவார்கள் என்று நான் நம்புகிறேன். இந்த அச்சுறுத்தலை எவ்வாறு கையாள்வது என்பதில் அரசு தெளிவாக உள்ளது என்றும் குறிப்பிட்டார்.
இது பலூச் எதிர்ப்பாளர்களிடமிருந்து கடுமையான விமர்சனத்தைத் தூண்டியது, பின்னர் அவர்கள் தங்கள் கோரிக்கைகள் அரசாங்கத்தால் ஏற்றுக்கொள்ளப்படும் வரை தங்கள் போராட்டத்தைத் தொடரும் விருப்பத்தை மீண்டும் வலியுறுத்தினர்.
ஒரு சமூக ஊடகப் பதிவில், மஹ்ராங் பலூச் என்பவர் குறிப்பிடுகையில் “இஸ்லாமாபாத் பொலிஸாரின் அச்சுறுத்தல் தொனி, சித்திரவதை மற்றும் கைது செய்து எங்கள் போராட்டத்தை முடிவுக்கு கொண்டு வர அரசு நினைத்தால், இது அரசின் சிறுபிள்ளைத்தனமான சிந்தனையாகும். பலுகிஸ்தானில் எங்கள் அன்புக்குரியவர்களின் சிதைந்த உடலை நாங்கள் தோள்களில் சுமந்துள்ளோம், எங்கள் பத்து இளைஞர்களின் உடல்களை நாங்கள் ஒன்றாகப் புதைத்துள்ளோம், எங்கள் அன்புக்குரியவர்களுக்காகக் காத்திருந்தோம் என்று தெரிவித்துள்ளார்.
அவர் மேலும் கூறுகையில், “சொல்ல முடியாத துன்பங்களை நாங்கள் கண்டோம், அனாதைகளின் பரிதாபகரமான வாழ்க்கையை நாங்கள் கண்டோம், மேலும் சித்திரவதைகள் மற்றும் கைதுகளால் எதையாவது இழக்க நேரிடும் என்று பயப்படுபவர்களை பயமுறுத்துவதற்கு நீங்கள் இங்கே சித்திரவதை மற்றும் கைதுகள் மூலம் எங்களை பயமுறுத்த முயற்சிக்கிறீர்கள். நாங்கள் அனைத்தையும் இழந்துவிட்டோம்.பலூச் இனப்படுகொலை முழுமையாக முடிவுக்கு வரும் வரை இந்தப் போராட்டத்தைத் தொடர்வோம், அதற்காக அனைத்து வகையான தியாகங்களையும் செய்யத் தயாராக இருக்கிறோம்.என்றும் தெரிவித்தார்.
