SLC ஏற்பாடு செய்துள்ள 15 வயதுக்குட்பட்ட இலங்கை யூத் லீக் கிரிக்கெட் போட்டியின் பெருமைமிக்க அனுசரணையாளர்களாக, முன்னணி ஊட்டச்சத்து நிறுவனமான Prima, முன்வந்துள்ளது.
நவம்பர் 21 முதல் 29 வரை கொழும்பில் நடத்த திட்டமிடப்பட்டுள்ள இந்நிகழ்வு நாளைய கிரிக்கெட் வீரர்களை அடையாளம் கண்டு அழகுபடுத்துவதை நோக்கமாகக் கொண்டுள்ளது. போட்டிகள் கொழும்பில் உள்ள ரோயல் கல்லூரி மைதானம், டி எஸ் சேனாநாயக்க கல்லூரி மைதானம் மற்றும் மெர்கன்டைல் கிரிக்கெட் சங்க மைதானம் ஆகிய மைதானங்களில் நடைபெறவுள்ளது.
பிறிமா ஒரு ஊட்டச்சத்து நிறுவனமாக 2007 ஆம் ஆண்டு முதல் இலங்கை கிரிக்கெட் (SLC) உடன் இணைந்து ஜூனியர் கிரிக்கெட்டின் வளர்ச்சிக்கு ஆதரவளித்து வருகிறது, இது திறமையான இளம் கிரிக்கெட் வீரர்கள் தங்கள் மாவட்டங்கள் மற்றும் மாகாணங்களை பிரதிநிதித்துவப்படுத்த வழிவகுத்தது. இலங்கை துடுப்பாட்டத்திற்கான வலுவான எதிர்காலத்திற்கான அடித்தளத்தை அமைத்து, ஆரம்ப கட்டத்திலேயே நம்பிக்கைக்குரிய இளம் திறமையாளர்களை அடையாளம் கண்டு வளர்ப்பதே போட்டியின் முதன்மை நோக்கமாகும். காலி, கண்டி, தம்புள்ளை, கொழும்பு வடக்கு மற்றும் கொழும்பு தெற்கு ஆகிய அணிகளின் பங்கேற்புடன், போட்டி கடுமையாக இருக்கும் என்று எதிர்பார்க்கப்படுவதுடன், பல்வேறு பிராந்தியங்களைச் சேர்ந்த இளம் கிரிக்கெட் வீரர்கள் தங்கள் திறமைகளையும் பலத்தையும் வெளிப்படுத்த ஒரு தளத்தையும் வழங்குகிறது.
மாவட்ட மற்றும் மாகாண அணிகளைச் சேர்ந்த வீரர்களை உள்ளடக்கியதே இந்தப் போட்டியின் சிறப்பம்சமாகும். இந்த மாறுபட்ட கலவையானது, இலங்கையின் பல்வேறு பிராந்தியங்களில் இருந்து சிறந்த திறமைசாலிகள் காட்சிப்படுத்தப்படுவதை உறுதிசெய்கிறது, இது வீரர்களுக்கு போட்டி மற்றும் வளமான சூழலை உருவாக்குகிறது.
உற்சாகம் மற்றும் எதிர்பார்ப்புகளுக்கு மத்தியில், பிறிமா இந்த நிகழ்வின் பெருமைமிக்க அனுசரணையாளராக முக்கிய இடத்தைப் பிடித்துள்ளது. சமூக அபிவிருத்தி மற்றும் இளைஞர் வலுவூட்டலுக்கான ப்ரீமாவின் அர்ப்பணிப்பு ஸ்ரீலங்கா யூத் லீக் 15 வயதுக்குட்பட்ட கிரிக்கெட் போட்டியின் நோக்கங்களுடன் தடையின்றி இணைந்துள்ளது. இந்த முன்முயற்சியை ஆதரிப்பதன் மூலம், இளைஞர்களிடையே விளையாட்டுத்திறன், குழுப்பணி மற்றும் தலைமைப் பண்புகளை வளர்ப்பதில் அதன் அர்ப்பணிப்பை ப்ரீமா வெளிப்படுத்துகிறது.
இலங்கையின் சிலோன் அக்ரோ இன்டஸ்ட்ரீஸின் பொது முகாமையாளர், ப்ரீமா – குழுமம் இலங்கை, திரு. சஜித் குணரத்ன, அனுசரணை வழங்குவது குறித்து கூறுகையில், “15 வயதுக்குட்பட்ட இலங்கை யூத் லீக் கிரிக்கெட் போட்டியுடன் இணைந்திருப்பதில் ப்ரீமா மகிழ்ச்சியடைகிறது. விளையாட்டு குணத்தை உருவாக்கவும், ஒழுக்கத்தை வளர்க்கவும், தோழமை உணர்வை வளர்க்கவும், இந்த போட்டிகள் உதவுவதடன் இளம் கிரிக்கெட் வீரர்கள் தங்கள் திறமையை வெளிப்படுத்த ஒரு தளத்தையும் வழங்குகிறது, மேலும் அடுத்த தலைமுறை கிரிக்கெட் நட்சத்திரங்களின் வளர்ச்சிக்கு பங்களிப்பதில் நாங்கள் பெருமிதம் கொள்கின்றோம்.” எனக் கூறினார்.
போட்டிகள் நடைபெறவுள்ள நிலையில், சர்வதேச கிரிக்கெட் அரங்கில் இலங்கைக் கொடியை ஏந்திச் செல்லும் புதிய திறமையாளர்கள் வெளிவருவதற்கு கிரிக்கெட் ஆர்வலர்களும் ஆதரவாளர்களும் ஆவலுடன் காத்திருக்கின்றனர். ப்ரீமாவின் அனுசரணை நிகழ்வுக்கு கௌரவத்தை சேர்ப்பது மட்டுமன்றி இலங்கை கிரிக்கெட்டின் எதிர்காலத்தில் முதலீடு செய்வதற்கான வர்த்தக நாமத்தின் அர்ப்பணிப்பையும் குறித்து நிற்கின்றது.
15 வயதுக்குட்பட்ட இலங்கை யூத் லீக் கிரிக்கெட் போட்டியானது, ப்ரீமாவின் ஆதரவால் தூண்டப்பட்டு, இளம் கிரிக்கெட் வீரர்களுக்கு ஒரு படிக்கல்லாக இருக்கும் என்பதை உறுதியளிப்பதுடன் நாட்டின் விளையாட்டு துறைக்கும் சிறந்த பாதை ஒன்றை அமைத்துக் கொடுக்கும்.
