கிண்ணியா மத்தி அணிக்கு சமபோஷா வெற்றி கிண்ணம்

அகில இலங்கை கால்பந்தாட்ட சம்மேளனத்தால் நடாத்தப்பட்ட 14 வயதுக்குட்பட்ட பாடசாலை அணிகளுக்கிடையிலான சமபோஷா கால்பந்தாட்ட போட்டியில் கிண்ணியா மத்திய கல்லூரி அணி சம்பியன் கிண்ணத்தை சுவீகரித்தது.

கடந்த ஞாயிறன்று (30) கொழும்பு குதிரைப்பந்தய மைதானத்தில் நடைபெற்ற இறுதிப் போட்டியில் கொழும்பு சாஹிரா கல்லூரியை கிண்ணியா மத்திய கல்லூரி 1–0 என்ற கோல் கணக்கில் வீழ்த்தியது.

கிண்ணியா மத்திய கல்லூரி அணி தொடர்ச்சியாக மூன்று தடவைகள் சமபோஷா சம்பியன் கிண்ணத்தை வென்றுள்ளமை குறிப்பிடத்தக்கது.

கிண்ணியா மத்திய, தம்பலகாமம் குறூப் நிருபர்கள்