இலங்கை பல்கலைக்கழக பெண்கள் சம்மேளனம் (SLFUW) சர்வதேச சிறுவர் மற்றும் முதியோர் தினத்தை நினைவுகூரும் வகையில் விசேட நிகழ்வொன்றை ஏற்பாடு செய்தது.
இந்நிகழ்வு கடந்த மாதம் 26 ஆம் திகதி SLFUW தலைமையகத்தில் நடைபெற்றது. இது SLFUW இன் அங்கத்தவர்களின் ‘குடும்ப ஒன்றுகூடல்’, நடன நிகழ்ச்சிகள், பாடல்கள் மற்றும் இசை, விளையாட்டுகள் என்பனவற்றுடன் கூடியதாக அமைந்திருந்தது. காலை மற்றும் மதிய உணவையும் உள்ளடக்கிய பரிசுகளுடன் கூடிய வேடிக்கை நிறைந்த நாளாக அது அமைந்திருந்தது.
SLFUW இன் தலைவர் கேணல் டாக்டர் உதுல கிருஷ்ணரத்ன கருத்து தெரிவிக்கையில், பார்வையற்ற பெண்கள் சம்மேளனம் மற்றும் பார்வையற்ற குழந்தைகளுக்கு அவர்களின் எதிர்காலத்திற்கு ஆதரவளிக்கும் வகையில் பணமும் நன்கொடைகளும் வழங்கப்பட்டமை விசேட அம்சமாகும் என்றார். இந்த ஆண்டு முழுவதும் பல சமூக மேம்பாட்டு பணிகளில் ஈடுபட்டிருந்த SLFUW குழுவின் ஆண்டிறுதி நிகழ்வாக இந்த விழா அமைந்தது.
உள்ளூர் பல்கலைக்கழகங்களில் கல்வி பயிலும் பெண்களுக்கு உதவித்தொகை வழங்குதல். கந்தே உடபங்குவ வித்தியாலயத்திற்கு முப்பரிமாண திறந்தவெளி ஆய்வகத்தை நிர்மாணிப்பதற்கு நன்கொடைகளை வழங்குதல். பாடசாலை மாணவர்களுக்கு நன்கொடைகள் மற்றும் நிலையான உபகரணங்கள் வழங்குதல். பின்தங்கிய குடும்பங்களுக்கு உலர் உணவுகள் மற்றும் நன்கொடைகள் வழங்குதல்.
வெள்ளத்தால் பாதிக்கப்பட்ட மக்களுக்கு நன்கொடை வழங்குதல்.
SLFUW இன் முன்னாள் தலைவர்கள் மற்றும் உறுப்பினர்களின் நினைவாக, வனவாசலையில் உள்ள பரமித முதியோர் இல்லத்தில் உள்ள கைதிகளுக்கு விசேட மதிய உணவுடன் அத்தியாவசிய மருந்துகள், மற்றும் அனைத்து கைதிகளுக்கும் தலா பண நன்கொடையும் வழங்கப்பட்டது. தேவமுல்லை, தலாவ, வனவாசலை ஆகிய பகுதிகளில் உள்ள விகாரைகளின் பிக்குகளுக்கு அன்னதானம், மற்றும் மருத்துவ செலவுக்கான பணமும் வழங்கப்பட்டது.
SLFUW செயற்குழுவின் தற்போதைய பதவிக்காலம் முடிவடைவதால், அடுத்த வருடாந்த பொதுக்கூட்டம் நவம்பர் 23 சனிக்கிழமை பிற்பகல் 2 மணிக்கு SLFUW கேட்போர் கூடத்தில் நடைபெற உள்ளது.
