ஜனாதிபதி தேர்தலுக்கான வாக்குப்பெட்டிகள் அனைத்தும் வவுனியா மாவட்டத்தின் வாக்களிப்பு நிலையங்களுக்கு நேற்று (20) அனுப்பிவைக்கப்பட்டன.
நாட்டின் ஒன்பதாவது ஜனாதிபதித் தேர்தலுக்கான வாக்களிப்பு நடவடிக்கைள் இன்று (21. 09) நடைபெறவுள்ளது.
அதன்படி, வவுனியா மாவட்டத்தில் 152 வாக்களிப்பு நிலையங்கள் அமைக்கப்பட்டுள்ளதுடன், குறித்த நிலையங்களுக்கான வாக்குப்பெட்டிகள் அனைத்தும் நேற்று(20) காலை 7 மணிமுதல் எடுத்துசெல்லப்பட்டன.
வவுனியா மாவட்டத்தின் வாக்கெண்ணும் மத்திய நிலையமாக செயற்பட்டுவரும் சைவப்பிரகாச மகளிர் கல்லூரியில் இருந்து குறித்த வாக்குப்பெட்டிகள் வாக்களிப்பு நிலையங்களுக்கு பொலிஸாரின் பாதுகாப்புடன் பேரூந்துகளில் எடுத்துச் செல்லப்பட்டன.
இதேவேளை, வவுனியாவில் 128, 585 பேர் வாக்களிக்க தொகுதி பெற்றுள்ளதுடன் தேர்தல் கடமைகளுக்காக பொலிஸார் உட்பட 2500 க்கும் மேற்பட்ட அரச ஊழியர்கள் கடமையில் ஈடுபடுத்தப்பட்டுள்ளமை குறிப்பிடத்தக்கது.
வவுனியா விசேட நிருபர்
