141
இலங்கை மகளிர் ஏ அணிக்கு எதிரான முதலாவது டி20 போட்டியில் பங்களாதேஷ் மகளிர் ஏ அணி 7 விக்கெட்டுகளால் வெற்றியீட்டியது.
கொழும்பு, பீ. சரா ஓவல் மைதானத்தில் நேற்று (12) நடைபெற்ற இந்தப் போட்டியில் முதலில் துடுப்பெடுத்தாடிய இலங்கை மகளிர் ஏ அணி 20 ஓவர்களுக்கும் 7 விக்கெட்டுகளையும் இழந்து 112 ஓட்டங்களைப் பெற்றது. கெஷனி நுத்யாங்கனா அதிகட்சமாக 43 ஓட்டங்களைப் பெற்றார்.
இந்நிலையில் பதிலெடுத்தாடிய பங்களாதேஷ் மகளிர் அணி 18.5 ஓவர்களில் 3 விக்கெட்டுகளை இழந்து வெற்றி இலக்கான 113 ஓட்டங்களை எட்டியது. ஷமிம் சுல்தான் 48 ஓட்டங்களைப் பெற்றார்.
