2024 ஆம் ஆண்டு ஜூலை மாதத்திற்கான ICC சிறந்த வீராங்கனைக்கான தேர்வுப் பட்டியலில் இலங்கை மகளிர் கிரிக்கெட் அணித்தலைவர் சமரி அத்தபத்துவும் தெரிவாகியுள்ளார்.
இலங்கை வீராங்கனையான சமரி அத்தபத்து, கடந்த ஜூலை மாதம் ஏழு முறை சம்பியனான இந்தியாவை எதிர்த்து 2024 ஆம் ஆண்டுக்கான மகளிர் ஆசியக் கிண்ணத்தை சிறந்த முறையில் இலங்கை அணியை வழிநடத்தி வென்றெடுத்தார்.
சிறந்த மகளிர் வீராங்கனைக்கான விருதை ஏற்கனவே இரண்டு முறை வென்றுள்ள அத்தபத்து இப்போது மூன்றாவது தடவையாகவும் விருதைப் பெற தெரிவாகியுள்ளார்.
இதேவேளை அயர்லாந்து அணிக்கு எதிராக நடைபெறவுள்ள T20 தொடருக்கான இலங்கை குழாத்திலிருந்து அணித்தலைவி சமரி அதபத்து விலகியுள்ளார்.
எதிர்வரும் அயர்லாந்து தொடருக்காக இலங்கை மகளிர் அணி இன்று (06) அயர்லாந்து நோக்கி புறப்படவுள்ள நிலையில், சமரி அத்தபத்துவுக்கு பதிலாக தற்போது அணியின் உப தலைவியாக உள்ள ஹர்ஷிதா சமரவிக்ரம நியமிக்கப்படலாமென எதிர்பாரக்கப்படுகின்றது.
மகளிருக்கான த ஹண்ட்ரட் தொடரில் ஓவல் இன்விசிபல் அணிக்காக விளையாடவுள்ளதால் சமரி அதபத்து T20 தொடருக்கான அணியிலிருந்து விலகியுள்ளார். எனினும் அயர்லாந்து அணியுடனான ஒருநாள் தொடரில் சமரி அணியுடன் இணைவார் என எதிர்பார்க்கப்படுகிறது.
இதேவேளை சமரி அதபத்துவுக்கு பதிலாக கௌஷானி நுத்யங்கனா அணியில் இணைக்கப்பட்டுள்ளார்.
