பேருவளை இரத்தினக்கல் சமூகம் ஜனாதிபதியை ஆதரிக்க முடிவு

பேருவளை இரத்தினக்கல் ஏற்றுமதி துறையில் ஈடுபட்டுள்ள வர்த்தகர்கள் மற்றும் முஸ்லிம்கள்

எதிர்வரும் ஜனாதிபதி தேர்தலில்,ஜனாதிபதி ரணில்விக்கிரமசிங்கவை ஆதரிக்கத் தீர்மானித்துள்ளதாக போக்குவரத்து, நெடுஞ்சாலைகள் மற்றும் வெகுஜன ஊடக அமைச்சர் கலாநிதி பந்துல குணவர்தன தெரிவித்தார். பொருளாதாரம் வீழ்ந்து விடாமல் பாதுகாத்து நாட்டை தற்போதைய நிலைக்கு கொண்டு வந்தமைக்காகவே இவர்கள்,ஜனாதிபதிக்கு ஆதரவு வழங்க முன்வந்திருப்பதாகவும் அமைச்சர் குறிப்பிட்டார்.

முன்னாள் ஜனாதிபதி மஹிந்த ராஜபக்ஷவை சந்தித்த பொதுஜன பெரமுனவின் தேசியப்பட்டியல் எம்.பி மர்ஜான் பழீல்,கட்சியின் மீதான மரியாதை மற்றும் அன்பை வௌிப்படுத்தியதுடன்,இம்முறை ஜனாதிபதி தேர்தலில் ரணில் விக்கிரமசிங்க வெற்றிக்காக ஆதரவளிக்க தீர்மானித்துள்ளதாகவும் அமைச்சர் குறிப்பிட்டார்.

இதற்கமைய களுத்துறை மாவட்ட பொதுஜன பெரமுனவின் பெரும்பாலான உறுப்பினர்கள், ஜனாதிபதி ரணில் விக்கிரமசிங்கவுக்கு அமோக வெற்றியை பெற்றுக்கொடுக்கும் நோக்கில் செயற்பட்டு வருகின்றனர்.

பேருவளை தொகுதியில் மாணிக்கக்கல் ஏற்றுமதி வர்த்தகத்தில் ஈடுபட்டுள்ள பாராளுமன்ற உறுப்பினர் மர்ஜான் ஃபழீல் உள்ளிட்ட வர்த்தக சமூகத்துடன் நேற்று முன்தினம் (03) நடத்திய சந்திப்பிலே அமைச்சர் இந்த விடயங்களை குறிப்பிட்டார்.

வர்த்தகத் துறையை ஏற்றுமதி சார்ந்த பொருளாதாரமாக மாற்றுவதற்கு ஜனாதிபதி செயற்பட்டு வருகின்றார். பெங்கொக் மற்றும் ஹொங்கொங்கை போன்று இரத்தினக்கற்கள் ஏற்றுமதிக்கு முற்றிலும் சுதந்திரமான சந்தை நிலைமையை உருவாக்க ஜனாதிபதி செயற்படுவார். சமீபத்தில் அந்த மாற்றங்களை நாடாளுமன்றத்தில் நிறைவேற்றும் முயற்சியில் ஈடுபட்டார்.

அத்துடன், நாட்டில் வரி தொடர்பில் நடவடிக்கைகளை தொடர்ந்து நாணயத்தாள்களை தடைசெய்யும் வகையில் இலங்கை மத்திய வங்கி மூலம் நடவடிக்கை மேற்கொண்டார். எந்த அரசாங்கமும் அதிக வட்டிக்கு கடன் வாங்கக்கூடாது என்பதற்காக கடன் கட்டுப்பாடு சட்டத்தையும் நிறைவேற்றினார். அரசியலில் உண்மைக்கு புறம்பான வாக்குறுதிகளை அளித்து வரவு செலவுத் திட்டத்தின் மூலம் பணம் ஒதுக்க முடியாது. இதற்காக நிதி முகாமைத்துவ சட்டத்தை ஜனாதிபதி கொண்டு வந்தார். அதன்படி, இனி வரவு செலவுத் திட்டத்தை தயாரிக்க நாடாளுமன்றத்தில் தனி அலுவலகம் அமைக்கப்பட்டுள்ளது. அரசியல்வாதிகள், அதிகாரிகள் மற்றும் அதிகாரிகள் திருட்டு, மோசடி மற்றும் ஊழல் செய்ய முடியாத வகையில் கடுமையான ஊழல் தடுப்புச் சட்டம் நிறைவேற்றப்பட்டுள்ளது. இந்த நாட்டை பொருளாதார அபிவிருத்தியின் உச்சத்திற்கு கொண்டு செல்லக்கூடிய பொருளாதார சிந்தனைகள் உள்ள ஒரே தலைவர் ஜனாதிபதி ரணில் விக்கிரமசிங்கவே. அவரை வெற்றிபெறச் செய்வதற்கு நாம் அர்ப்பணிப்புடன் செயல்படுவோம்.இவ்வாறு போக்குவரத்து, நெடுஞ்சாலைகள் மற்றும் வெகுஜன ஊடக அமைச்சர் கலாநிதி பந்துல குணவர்தன மேலும் தெரிவித்தார்.