Saturday, July 20, 2024
Home » T20 WC 2024: 25 ஓட்டங்களால் வென்றது பங்களதேஷ் அணி

T20 WC 2024: 25 ஓட்டங்களால் வென்றது பங்களதேஷ் அணி

by Prashahini
June 14, 2024 11:31 am 0 comment

T20 உலகக் கிண்ண கிரிக்கெட் தொடரின் போட்டி நெதர்லாந்து அணிக்கு எதிரான 27 ஆவது போட்டியில் பங்களதேஷ் அணி வெற்றி பெற்றது.

T20 உலகக் கிண்ணத் தொடரின் 27ஆவது லீக் போட்டியில் பங்களதேஷ் அணியை எதிர்த்து நெதர்லாந்து அணி விளையாடியது. இந்த போட்டியில் நாணயச்சுழற்சியில் வென்ற நெதர்லாந்து அணி கேப்டன் எட்வர்ட்ஸ் பந்துவீச்சை தேர்வு செய்தார்.

இதன்பின் களமிறங்கிய பங்களதேஷ் அணி 23 ஓட்டங்களுக்கு 2 விக்கெட்டுகளை இழந்து தவித்த போது, அனுபவ வீரர் ஷகிப் அல் ஹசன் சிறப்பாக விளையாடினார். இதனால் பங்களதேஷ் அணி 20 ஓவர்களில் 5 விக்கெட்டுகள் இழப்பிற்கு 159 ஓட்டங்களை சேர்த்தது. சிறப்பாக ஆடிய ஷகிப் அல் ஹசன் 46 பந்துகளில் 64 ஓட்டங்கள் எடுத்தார்.

இதன்பின் களமிறங்கிய நெதர்லாந்து அணிக்கு லிவிட் – மேக்ஸ் கூட்டணி தொடக்கம் கொடுத்தது. முதல் விக்கெட்டுக்கு 22 ஓட்டங்கள் சேர்க்கப்பட்ட நிலையில், லிவிட் 18 ஓட்டங்களிலும் ஆட்டமிழக்க, தொடர்ந்து மற்றொரு தொடக்க வீரரான மேக்ஸ் 12 ஓட்டங்களில் வெளியேறினார். இதனால் நெதர்லாந்து அணி 6 ஓவர்களில் 36 ஓட்டங்கள் சேர்த்திருந்தது.

பின்னர் ஏங்கல்பிரட் – விக்ரம்ஜித் சிங் கூட்டணி இணைந்து அதிரடியாக ஓட்டங்களை சேர்த்தது. அதிரடியாக ஆடிய விக்ரம்ஜித் சிங் சிக்சர்களாக விளாசி தள்ளினார். ஆனால் மஹ்மதுல்லா வீசிய முதல் ஓவரிலேயே அட்டாக் செய்ய முயற்சித்த விக்ரம்ஜித் சிங் 16 பந்துகளில் 26 ஓட்டங்கள் எடுத்து வெளியேறினார். இதன்பின் கேப்டன் எட்வர்ட்ஸ் களத்திற்குள் வர, ஆட்டம் பரபரப்பானது. இவரும் ஏங்கல்பிரட் இணைந்து நெதர்லாந்து அணியின் ஸ்கோரை வேகமாக உயர்த்தினர். இதனால் நெதர்லாந்து அணி 14 ஓவர்களில் 104 ஓட்டங்களை எட்டியது. அப்போது ரிஷாத் ஹொசைன் வீசிய 15ஆவது ஓவரில் ஏங்கல்பிரட் 33 ஓட்டங்களிலும், தொடர்ந்து வந்த பேஸ் டீ லீட் டக் அவுட்டாகியும் வெளியேறினர்.

இதனால் நெதர்லாந்து அணியின் வெற்றிக்கு 30 பந்துகளில் 49 ஓட்டங்கள் தேவையாக இருந்தது. அப்போது முஸ்தஃபிசுர் ரஹ்மான் வீசிய முதல் பந்திலேயே கேப்டன் எட்வர்ட்ஸ் 25 ஓட்டங்கள் எடுத்து ஆட்டமிழக்க, ஆட்டத்தில் பங்களதேஷ் அணியின் கைகள் ஓங்கியது. இதன்பின் பிரிங்கிள் – வான் பீக் கூட்டணி இணைந்தது. ஆனால் ஓட்டங்கள் எடுக்க முடியாமல் தடுமாறிய சூழலில், வான் பீக் 2 ஓட்டங்களில் வெளியேறினார். இதனால் நெதர்லாந்து அணியின் வெற்றிக்கு 12 பந்துகளில் 36 ஓட்டங்கள் தேவைப்பட்டது.

19ஆவது ஓவரை வீச மீண்டும் முஸ்தஃபிசுர் ரஹ்மான் வந்தார். அந்த ஓவரில் 3 ஓட்டங்கள் மட்டுமே சேர்க்கப்பட்டது. கடைசி ஓவரில் 7 ஓட்டங்கள்மட்டுமே சேர்க்கப்பட, நெதர்லாந்து அணி 20 ஓவர்களில் 8 விக்கெட்டுகள் இழப்பிற்கு 134 ஓட்டங்கள் மட்டுமே எடுத்தது.

இதனால் பங்களதேஷ் அணி 25 ஓட்டங்கள் வித்தியாசத்தில் அபார வெற்றியை பெற்றுள்ளது. இதன் மூலமாக பங்களதேஷ் அணி சூப்பர் 8 சுற்றுக்கான வாய்ப்பை பிரகாசப்படுத்தியுள்ளது. அதேபோல் இலங்கை அணி குரூப் சுற்றுடன் வெளியேறியுள்ளது.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT