Tuesday, July 23, 2024
Home » 3ஆவது முறையாக விண்வெளி சென்ற சுனிதா வில்லியம்ஸ்

3ஆவது முறையாக விண்வெளி சென்ற சுனிதா வில்லியம்ஸ்

- மகிழ்ச்சியில் நடனமாடும் வீடியோ வைரல்

by Prashahini
June 7, 2024 12:21 pm 0 comment

அமெரிக்காவில் வசித்து வரும் இந்திய வம்சாவளியை சேர்ந்த விண்வெளி வீராங்கனையான 58 வயதான சுனிதா வில்லியம்ஸ் 3ஆவது முறையாக விண்வெளி மையத்திற்கு சென்றுள்ளார்.

விண்வெளி மையத்திற்கு சென்ற அவர் அங்கு மகிழ்ச்சியில் நடனமாடும் வீடியோ இணையத்தில் வைரலாகி வருகிறது.

தொழில்நுட்ப கோளாறு காரணமாக பல முறை ஒத்திவைக்கப்பட்ட நிலையில், போயிங் நிறுவனத்தின் ‘ஸ்டார்லைனர்’ விண்கலம், அமெரிக்காவின் புளோரிடா மாகாணத்தின் கென்னடி விண்வெளி மையத்தில் இருந்து நேற்று முன்தினம் (05) வெற்றிகரமாக விண்ணில் பாய்ந்தது.

இந்த நிலையில், 25 மணித்தியால பயணத்திற்குப் பிறகு சுனிதா வில்லியம்ஸ் வெற்றிகரமாக 3ஆவது முறையாக சர்வதேச விண்வெளி ஆய்வு மையத்தை சென்றடைந்தார்.

இலங்கை நேரப்படி நள்ளிரவு 12.00 மணி அளவில் சர்வதேச விண்வெளி ஆய்வு மையத்திற்கு வீரர்கள் சென்றனர்.

சுமார் ஒரு வாரம் சர்வதேச விண்வெளி நிலையத்தில் தங்கி ஆய்வு மேற்கொண்டு ஜூன் 14ஆம் திகதி பூமிக்கு மீண்டும் திரும்புகிறார்கள் என தெரிவிக்கப்பட்டுள்ளது.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT