Thursday, July 25, 2024
Home » வற்றாப்பளையிலிருந்து திரும்பிய பஸ் பூநகரிக்கு அருகில் விபத்து; 6 பேர் காயம்

வற்றாப்பளையிலிருந்து திரும்பிய பஸ் பூநகரிக்கு அருகில் விபத்து; 6 பேர் காயம்

by Prashahini
May 21, 2024 1:11 pm 0 comment

யாழ்ப்பாணத்தில் இருந்து வற்றாப்பளை அம்மன் ஆலயத்திற்கு சென்று, மீண்டும் யாழ் நோக்கி திரும்பிக்கொண்டிருந்த பஸ் பூநகரி பகுதியில் விபத்துக்குள்ளாகியுள்ளது.

முல்லைத்தீவு வற்றாப்பளை கண்ணகி அம்மன் ஆலயத்தில் நேற்று (21) நடைபெற்ற விசாக பொங்கலுக்கு , யாழ்ப்பாணம் பண்டத்தரிப்பு பகுதியில் இருந்து வாடகைக்கு பஸ் ஒன்றினை ஒழுங்கு செய்து பக்தர்கள் சென்றிருந்தனர்.

பொங்கல் திருவிழாவை முடித்துக்கொண்டு , இன்று (21) மீண்டும் யாழ்ப்பாணம் நோக்கி திரும்பிக்கொண்டிருந்த வேளை பூநகரி , சங்குப்பிட்டி பாலத்தை அண்மித்த பகுதியில் பஸ் வீதியை விட்டு விலகி தடம்புரண்டு விபத்துக்குள்ளானது.

அதில் பஸ்ஸில் பயணித்த 6 பேர் காயமடைந்த நிலையில் பூநகரி பிரதேச வைத்தியசாலையில் அனுமதிக்கப்பட்டு, அங்கிருந்து மேலதிக சிகிச்சைக்காக கிளிநொச்சி மாவட்ட வைத்தியசாலைக்கு மாற்றப்பட்டுள்ளனர்.

சம்பவம் தொடர்பில் பொலிஸார் விசாரணைகளை முன்னெடுத்துள்ளனர்.

யாழ்.விசேட நிருபர்

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT