Tuesday, May 28, 2024
Home » மக்களுக்கு நட்பான தொடர்மனை நிதிவசதியளிப்புக்காக ஹவ்லொக் சிற்றியுடன் அமானா வங்கி கைகோர்ப்பு

மக்களுக்கு நட்பான தொடர்மனை நிதிவசதியளிப்புக்காக ஹவ்லொக் சிற்றியுடன் அமானா வங்கி கைகோர்ப்பு

by mahesh
May 15, 2024 8:00 am 0 comment

அமானா வங்கி, வாடிக்கையாளர்களுக்கு சொகுசான மற்றும் சகாயமான வாழிடத்தைப் பெற்றுக் கொள்வதற்கு மக்களுக்கு நட்பான நிதித் தீர்வுகளைப் பெற்றுக் கொடுக்கும் வகையில், மிரேகா ஹோம்ஸ் பிரைவட் லிமிடெட் உடன் மூலோபாய பங்காண்மையை ஏற்படுத்தியுள்ளதாக அறிவித்துள்ளது. இலங்கையின் மாபெரும் பொதுப் பட்டியலிடப்பட்ட சொத்துகள் வடிவமைப்பாளரான ஓவர்சீஸ் ரியால்டி நிறுவனத்தின் துணை நிறுவனமாக மிரேகா ஹோம்ஸ் திகழ்வதுடன், ஹவ்லொக் சிற்றியின் வடிவமைப்பாளர்கள் என்பதும் குறிப்பிடத்தக்கது.

இந்த கைகோர்ப்பினூடாக, வாடிக்கையாளர்களுக்கு ஹவ்லொக் சிற்றியில் காணப்படும் நிலை 3 மற்றும் 4 ஐச் சேர்ந்த சொகுசு தொடர்மனைகளில் குடியேறுவதற்கு அவசியமான கொள்வனவை மேற்கொள்வதற்கான நிதி வசதிகளைப் பெற்றுக் கொள்ள முடியும். 18 ஏக்கர் காணியில் காணப்படும் பசுமையான சூழல், உலகத் தரம் வாய்ந்த ஷொப்பிங் மோல் மற்றும் நவீன அலுவலகத் தொகுதி ஆகியவற்றை அனுபவிக்கவும் முடியும். இந்த உரிமையாண்மையை சாத்தியப்படுத்தும் வகையில், அமானா வங்கியினால் 3 நாட்களினுள் வாடிக்கையாளர்களின் வருமானத் திறனுக்கேற்ப மீளச் செலுத்தக்கூடிய திட்டங்களுடன் விசேட நிதிவசதிக்கு அனுமதியளிக்கப்படுகின்றது. மேலும், வங்கியின் மக்களின் நட்புறவுத்தன்மையை உறுதி செய்யும் வகையில், வாடிக்கையாளர்களுக்கு தாம் பெற்றுக் கொண்ட வீட்டு நிதி வசதியை, மேலதிக கட்டணங்கள் எதுவுமின்றி, முன்கூட்டியே செலுத்தித் தீர்க்கும் வசதியும் வழங்கப்படுகின்றது.

அமானா வங்கியின் முகாமைத்துவ பணிப்பாளர், பிரதம நிறைவேற்று அதிகாரி மொஹமட் அஸ்மீர், நுகர்வோர் வங்கியியல் மற்றும் சந்தைப்படுத்தல் உப தலைவர் சித்தீக் அக்பர், நுகர்வோர் நிதியளிப்பு தலைமை அதிகாரி ரியாஸ் நூர், மிரேகா ஹோம்ஸ் பணிப்பாளர் ரால்ப் டி லனெரோல், விற்பனைகள் பொது முகாமையாளர் நிருபா பீரிஸ் மற்றும் சட்டப்பிரிவின் தலைமை அதிகாரி லக்நதி பெரேரா ஆகியோர் புரிந்துணர்வு உடன்படிக்கை கைச்சாத்திடலில் கலந்து கொண்டனர்.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT