அமெரிக்க செனட் குடியரசுக் கட்சித் தலைவர் மிட்ச் மெக்கானெல், 170 மில்லியன் அமெரிக்கர்கள் பயன்படுத்தும் குறுகிய வீடியோ செயலியான டிக்டொக்கின் பிரதான நிறுவனமான சீனாவின் பைட் டான்ஸை கட்டுப்படுத்தும் சட்டத்தை ஆதரிப்பதாக தெரிவித்துள்ளார்.
“பீஜிங்கில் செல்வாக்கு பெற்ற நிறுவனங்களை டிக்டொக்கிலிருந்து விலக்குவது என்பது நிறுவப்பட்ட அரசியலமைப்பு முன்னோடிச் செயற்பாட்டிற்கு உகந்ததாக இருக்கும்.”என மிட்ச் மெக்கானெல் தெரிவித்தார்.
“அமெரிக்க குழந்தைகளுக்கு இது மிகப்பெரிய அச்சுறுத்தலை ஏற்படுத்துகிறது. ” டிக்டொக் மூலம், “அமெரிக்காவின் மிகப்பெரிய மூலோபாய போட்டியாளர் அமெரிக்க மண்ணில் மில்லியன் கணக்கான அமெரிக்க வீடுகளில் நமது பாதுகாப்பை அச்சுறுத்துகிறார்.”என்றும் அவர் மேலும் கூறினார்,
அமெரிக்காவில் தடையை தவிர்க்க சமூகதளத்தின் சீன தாய் நிறுவனமான பைடான்ஸ் ஆறு மாதத்திற்குள் தனது கட்டுப்படுத்தும் பங்குகள் அல்லது செயலியை விற்பது தொடர்பான சட்டமூலம் வாக்கெடுப்பு அமெரிக்க பிரதிநிதிகள் சபையில் 352-65 என்ற அடிப்படையில் நிறைவேற்றப்பட்டது.
செனட் வர்த்தகக் குழுத் தலைவர் மரியா கான்ட்வெல், செனட் ஜனநாயகக் கட்சித் தலைவர் சக் ஷுமர் மற்றும் செனட் புலனாய்வுக் குழுத் தலைவர் மார்க் வார்னர் ஆகியோரைச் சந்தித்து இது தொடர்பில் ஆராயப் போவதாகவும் அவர் கூறினார்.
“அமெரிக்க குடிமக்களுக்கு தீங்கு விளைவிக்கக்கூடிய செயல்களைச் செய்வதிலிருந்து வெளிநாட்டு நடிகர்களைத் தடுக்கப் பயன்படும் ஒரு கருவியைப் பெறுவது இங்கே முக்கிய விடயம்” என்று கான்ட்வெல் கூறினார்.
செனட்டர்கள் “டிக்டொக் சட்டத்தில் முன்னோக்கி செல்லும் பாதையில்” முன்னேற முடியும் என்று ஷுமர் கூறினார்.
இந்தத் தடை “170 மில்லியன் அமெரிக்கர்களின் உரிமைகளை மீறும் செயல் ” என்று டிக்டொக் கூறியுள்ளது.
டிக்டொக் தேசிய பாதுகாப்பு அபாயங்களை ஏற்படுத்துகிறது.ஏனெனில் அமெரிக்க பயனர்களின் தரவுகளை வழங்க சீனா வற்புறுத்தக்கூடும் என சட்டமியற்றும் தரப்பினரும் பைடன் நிர்வாகம் குற்றஞ்சாட்டி வருகிறது.
