Monday, April 22, 2024
Home » அப்பிளின் ஆதிக்கத்திற்கு அமெரிக்காவில் வழக்கு

அப்பிளின் ஆதிக்கத்திற்கு அமெரிக்காவில் வழக்கு

by Rizwan Segu Mohideen
March 23, 2024 6:05 pm 0 comment

அப்பிள் நிறுவனம் திறன்பேசிச் சந்தையில் ஆதிக்கம் செலுத்துவதாகக் கூறி அமெரிக்காவின் நீதித் துறையும் 15 மாநிலங்களும் அதன் மீது வழக்குத் தொடுத்துள்ளன.

ஐபோன் கைத்தொலைபேசிகளை விற்கும் அப்பிள், திறன்பேசிச் சந்தையில் ஏகபோக உரிமை கொண்டாடுவதாக அவை குற்றஞ்சாட்டின. இதனால் சிறிய நிறுவனங்கள் பாதிக்கப்பட்டுள்ளதாகவும் கைத்தொலைபேசிகளின் விலை ஏறியுள்ளதாகவும் கூறப்பட்டது.

துறையில் உள்ள மற்ற நிறுவனங்களுடன் ஒப்பிடுகையில் அப்பிள் அதிக லாபம் ஈட்டுவதாக அமெரிக்காவின் நீதித் துறை கூறியது.

நிறுவனம் அதனுடன் வர்த்தகத்தில் ஈடுபடும் மற்ற நிறுவனங்களிடமிருந்தும் ஏதாவது ஒரு விதத்தில் கட்டணம் வசூலிப்பதாக அது கூறியது. இறுதியில் வாடிக்கையாளர்களே பாதிக்கப்படுவதாக நீதித் துறை குறிப்பிட்டது.

அப்பிள் குற்றச்சாட்டுகளை மறுத்தது. அதிகப் போட்டித்தன்மை உள்ள சூழலில் மற்ற நிறுவனங்களிலிருந்து தனித்து நிற்க முனையும் தமது கொள்கைளுக்கு வழக்கு மிரட்டலாய் அமைந்துள்ளதாக அப்பிள் கூறியது.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT