Thursday, July 25, 2024
Home » அதிரடியாக உயர்ந்த மரக்கறிகளின் விலை; மக்கள் கவலை

அதிரடியாக உயர்ந்த மரக்கறிகளின் விலை; மக்கள் கவலை

- மழையால் பயிர்கள் அழிந்து வருவதுதான் காரணமா?

by Prashahini
January 5, 2024 9:13 am 0 comment

நத்தார் மற்றும் புத்தாண்டு காலத்தில் அதிகரித்த மரக்கறிகள் மற்றும் மீன்களின் விலைகள் தொடர்ந்தும் வேகமாக அதிகரித்து வருவதாக தெரிவிக்கப்படுகிறது.

1Kg கரட் சுமார் ஆயிரம் ரூபாவாகவும், 1Kg பச்சை மிளகாய் மற்றும் இஞ்சி 2,00 ரூபாயை நெருங்குவதாகவும் வியாபாரிகள் தெரிவிக்கின்றனர்.

மேலும் மீன் சந்தையில் மொத்த விலையும் நுகர்வோரால் தாங்க முடியாத அளவிற்கு உயர்ந்துள்ளது.

பேலியகொட மெனிங் சந்தையில் நேற்று (04) காலை மரக்கறிகளின் மொத்த விலை உயர்வாக இருந்ததாகத் தெரிவிக்கப்படுகிறது.

அதன்படி, கரட் கிலோ ஒன்றுக்கு 750 ரூபாவாகவும், போஞ்சி 500 ரூபாவாகவும், வெண்டைக்காய் 250 ரூபாவாகவும், மிளகாய் 700 ரூபாவாகவும், கோவா ரூபாவாகவும் பதிவாகியிருந்தது.

அதேபோல், நாரஹேன்பிட்டி பொருளாதார நிலையத்தில் கரட், மீன் மிளகாய், கத்திரிக்காய், போஞ்சி, தக்காளி, பச்சை மிளகாய் ஆகிய மரக்கறிகளின் விலை 1Kgகிராமிற்கு 900 ரூபாவிற்கும் அதிகமாக விற்பனை செய்யப்பட்டுள்ளன.

இவ்வாறு அதிக விலைக்கு விற்கப்பட்ட மரக்கறிகளின் விலையை நேற்று சில வியாபாரிகள் காட்சிப்படுத்தாமல் இருந்ததாக கூறப்படுகிறது.

நுகேகொட வாரச் சந்தையில் 1Kg மீன் மற்றும் மிளகாய் 1,000 ரூபாவிற்கும், 1Kg பச்சை மிளகாய் 1,600 ரூபாவிற்கும், கரட், போஞ்சி மற்றும் தக்காளி 800 ரூபாவிற்கும் விற்பனை செய்யப்பட்டதாக தெரிவிக்கப்படுகிறது.

இதேவேளை, கொழும்புக்கு மரக்கறிகள் கொண்டு வரப்படும் தம்புள்ளை, தம்புத்தேகம, கப்பெட்டிபொல பொருளாதார மத்திய நிலையங்களில் மரக்கறிகளின் விலை மிக அதிகமாக இருந்ததாக கூறப்படுகிறது.

மழையால் பயிர்கள் அழிந்து வருவதே இதற்கு காரணம் என விவசாயிகள் கூறுகின்றனர்.

ஆனால், குறைந்த விலையில் காய்கறிகள் கொண்டு வந்தாலும், பொருளாதார மையங்களில் உரிய விலை கிடைப்பதில்லை என விவசாயிகள் தெரிவித்தனர்.

இதேவேளை, நேற்றைய தினம் பல்பொருள் அங்காடிகளில் மரக்கறிகள் அதிக விலையில் இருந்ததாக தெரிவிக்கப்படுகிறது.

1Kg கரட் ரூ.1,000, இஞ்சி ரூ.1,900, பச்சை மிளகாய் ரூ.1,800, கறி மிளகாய் ரூ.900, தக்காளி ரூ.900, கத்தரிக்காய் ரூ.800, வெண்டைக்காய் ரூ.560 என பதிவாகியிருந்தது.

எனினும், சந்தையில் காய்கறிகளின் விலை உயர்வால் தமக்கு உரிய பலன் கிடைக்கவில்லை என விவசாயிகள் தெரிவிக்கின்றனர்.

மரக்கறிகளின் விலைகள் மட்டுமன்றி மீன்களின் விலைகளும் அதிகரித்துள்ளதாக தெரிவிக்கப்படுகிறது.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT