Saturday, June 22, 2024
Home » வெளியாகிறது ‘லியோ’ ட்ரெய்லர்; படக்குழுவின் அதிகாரபூர்வ அறிவிப்பு

வெளியாகிறது ‘லியோ’ ட்ரெய்லர்; படக்குழுவின் அதிகாரபூர்வ அறிவிப்பு

by Prashahini
October 3, 2023 10:08 am 0 comment

விஜய் நடித்துள்ள ‘லியோ’ படத்தின் ட்ரெய்லர் நாளை மறுதினம் (05) வெளியாக உள்ளதாக படக்குழு அறிவித்துள்ளது.

விஜய் நடிப்பில் லோகேஷ் கனகராஜ் இயக்கியுள்ள ‘லியோ’ படத்தில் த்ரிஷா, சஞ்சய் தத், அர்ஜூன், பிரியா ஆனந்த், மிஷ்கின், கவுதம் வாசுதேவ் மேனன், மன்சூர் அலி கான் ஆகியோர் நடித்துள்ளனர். இந்தப் படத்தை செவன் ஸ்க்ரீன் ஸ்டூடியோ தயாரிக்கிறது. வரும் அக்டோபர் 19-ம் தேதி திரையரங்குகளில் இப்படம் வெளியாக உள்ளது

விஜய்யின் பிறந்த நாளான கடந்த ஜூன் 22 ஆம் தேதி ‘லியோ’ படத்தின் முதல் சிங்கிளான ‘நான் ரெடி’ பாடலை படக் குழு வெளியிட்டது. இந்தப் பாடலை அனிருத் இசையில் நடிகர் விஜய், அனிருத், அசல் கோலார் ஆகியோர் பாடியுள்ளனர். பாடல் வரிகளை விஷ்ணு எடவன் எழுதியுள்ளார். இப்பாடல் நல்ல வரவேற்பை பெற்றது. சமீபத்தில் இப்படத்தின் மற்றொரு பாடலான ‘Badass’ வெளியாகி இரசிகர்கள் மத்தியில் வரவேற்பை பெற்றது.

இந்நிலையில் படத்தின் ட்ரெய்லர் எப்போது வெளியாகும் என்று ரசிகர்கள் தொடர்ந்து படக்குழுவிடம் கேள்வி எழுப்பி வந்த நிலையில் வரும் நாளை மறுதினம் படத்தின் ட்ரெய்லர் வெளியாகும் என்று படக்குழு அறிவித்துள்ளது.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT