ட்விட்டர் சமூக வலைத்தளத்திற்கு மாற்றாக Meta-வின் Threads தளம் பயன்பாட்டிற்கு வந்துள்ளது. Threads தளம் ஆரம்பிக்கப்பட்ட 7 மணித்தியாலங்களில் சுமார் ஒரு கோடி பேர் இணைந்துள்ளதாக Meta தரப்பில் தெரிவிக்கப்பட்டுள்ளது.
கடந்த வருடத்தில் இலோன் மஸ்க் (Elon Musk) ட்விட்டரை விலைக்கு வாங்கினார். இந்த ட்விட்டர் தளத்தில் சமீபத்தில் மேற்கொள்ளப்பட்ட மாற்றங்கள் காரணமாக அதிருப்தியில் உள்ள அதன் பயனர்கள் Threads-இல் இணைவார்கள் என கருதப்படுகிறது.
Meta-வின் Instagram தளத்தை அடிப்படையாக வைத்து Threads இயங்குகிறது. Instagram தளத்தில் ஏற்கனவே Verify செய்யப்பட்ட பயனர்களுக்கு இதில் Blue Tick வழங்கப்படுகிறது. அன்ட்ரொயிட் மற்றும் அப்பிள் போன் பயனர்கள் நேரடியாக App Store-இல் இருந்து Threads செயலியை தரவிறக்கம் செய்யலாம். அதன் பின்னர் பயனர்கள் தங்கள் Instagram கணக்கு விபரங்கள் மூலமாக Login செய்யலாம்.
500 எழுத்துக்கள் எனும் எண்ணிக்கையில் பயனர்கள் தமது பதிவுகளை Threads-இல் மேற்கொள்ள முடியும். இணைப்புகள் (Links), ஔிப்படங்கள், 5 நிமிட வீடியோக்களையும் பதிவிட கூடியதாக இருப்பதுடன், பதிவு ஒன்றில் 10 படங்களை உள்ளடக்க முடியும்.
ட்விட்டரை போலவே பதிவை மீண்டும் Repost செய்யவும், Quote செய்யவும் முடியும். பதிவை லைக் செய்யவும், Instagram-இல் பகிரவும் முடியும்.
ஆனால், பயனர்கள் இதில் Stories-ஐ இப்போதைக்கு பகிர முடியாது.
