கிழக்கு, ஊவா மாகாணங்களில் அவ்வப்போது மழை

- வடமத்தி, மாத்தளை, முல்லைத்தீவின் சில இடங்களில் மழை

இன்றையதினம் (07) நாட்டின் கிழக்கு, ஊவா மாகாணங்களில் அவ்வப்போது மழை பெய்யும் என  எதிர்பார்க்கப்படுவதாக, வளிமண்டலவியல் திணைக்களம் அறிவித்துள்ளது.

வடமத்திய மாகாணம், மாத்தளை, முல்லைத்தீவு மாவட்டங்களில் சில இடங்களில் பல தடவைகள் மழை பெய்யக்கூடிய சாத்தியம் காணப்படுகின்றது.

நாட்டின் ஏனைய பிரதேசங்களில் மாலை அல்லது இரவு வேளையில் பரவலாக மழை அல்லது இடியுடன் கூடிய மழை பெய்யும் என எதிர்பார்க்கப்படுகின்றது.

மேல், சப்ரகமுவ, தென் மாகாணங்களில் காலை வேளையில் மழை பெய்யக்கூடும்.

இடியுடன் கூடிய மழையுடன் கூடிய தற்காலிக பலத்த காற்று வீசக்கூடும்.

மின்னலினால் ஏற்படக்கூடிய ஆபத்தை குறைப்பதற்கு தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள்.