சீன விண்வெளி வீரர்கள் மூவர் பூமிக்கு திரும்பினர்

ஆறு மாதங்களாக சீன விண்வெளி நிலையத்தில் தங்கி பணிகளை மேற்கொண்டு வந்த அந்நாட்டின் 3 விண்வெளி வீரர்களும் ஷென்சோ–14 விண்கலத்தில் பூமிக்கு திரும்பினர்.

விண்வெளியில் டியாங்காங் ஆராய்ச்சி நிலையம் கட்டமைப்பதற்காக சீனா சுழற்சி முறையில் விண்வெளி வீரர்களை அனுப்பி வருகிறது.

அதன்படி, இறுதிக் கட்ட பணிகளுக்காக 3 பேர் சில தினங்களுக்கு முன்பு விண்வெளி நிலையம் சென்றதை அடுத்து, ஏற்கனவே அங்கு தங்கி பணிகளை மேற்கொண்டு வந்த ஒரு வீராங்கனை உள்ளிட்ட 3 விண்வெளி வீரர்களும் இன்னர் மங்கோலியா பிராந்தியத்தில் பத்திரமாக தரையிறங்கினர்.

சோவியட் ஒன்றியம் மற்றும் அமெரிக்காவுக்கு அடுத்து விண்வெளிக்கு விண்வெளி வீரர்களை அனுப்பிய மற்றும் அங்கு விண்வெளி நிலையத்தை அமைத்த மூன்றாவது நாடு சீனாவாகும்.