சீனாவில் வரலாறு காணாத வெள்ளம்; இதுவரை 25 பேர் மரணம்; 7 பேரை காணவில்லை

சீனாவில் வரலாறு காணாத வெள்ளம்; இதுவரை 25 பேர் மரணம்; 7 பேரை காணவில்லை-Zhengzhou Flood-So Far 25 Dead-7 Missing

- சமூக வலைத்தளங்களில் பதறவைக்கும் காட்சிகள்
- தொடர்ந்தும் இடம்பெறும் மீட்புப் பணிகள்

சீனாவில் கடந்த ஒரு வாரமாக ஏற்பட்டுள்ள வரலாறு காணாத வெள்ளப்பெருக்கு அனர்த்தம் காரணமாக> இதுவரை 25 பேர் மரணமடைந்துள்ளதோடு, 7 பேரை காணவில்லை என, இலங்கைக்கான சீன தூதரகம் தெரிவித்துள்ளது.

 

 

இவ்வாறு பெய்து வரும் கடும் மழைக்கு நடுவில் மனிதாபிமான முயற்சிகளின் அடிப்படையில் இடம்பெற்று வரும் மீட்புப் பணிகளில் ஈடுபட்ட சிலர் வெள்ளத்தில் அடித்துச் செல்லப்பட்டு காணாமல் போயுள்ளமை துரதிர்ஷ்டவசமானது என தூதகரம் தெரிவித்துள்ளது.

 

 

மழைக்காலங்களில் சீனாவில் வெள்ளப்பெருக்கு ஏற்படுவது என்பது வழமையாக ஒன்றாக இருந்தபோதிலும் தற்போது பெய்து வரும் மழையானது ஆயிரம் ஆண்டுகளில் இல்லாத கனமழை என்று சீன வானிலை ஆய்வாளர்கள் தெரிவித்துள்ளனர்.

இவ்வெள்ளப்பெருக்கு அனர்த்தம் காரணமாக, சீனாவின் ஹெனான் (Henan) மாகாணமும் அதன் தலைநகர் ஷெங்சோ (Zhengzhou) நகரமும் பாரிய அளவில் பாதிக்கப்பட்டுள்ளன.

 

 

இந்தப் பகுதியின் சராரசரி ஆண்டு மழை வீழ்ச்சி 640.8 மி.மீ ஆகும், ஆயினும் நேற்றுமுன்தினம் ஒருநாளில் மாத்திரம் 457.5 மி.மீ. அளவுக்கு மழை பதிவாகியுள்ளது. குறிப்பாக, ஷெங்சோ பகுதியில் பிற்பகல் 4.00 முதல் 5.00 மணி வரையிலான ஒரு மணிநேரத்தில் மாத்திரம் சுமார் 201.9 மி.மீ. அளவில் மழை பதிவாகியுள்ளது.

இதேவேளை, வெள்ளத்தால் அடித்துச் செல்லப்பட்ட வாகனங்கள் வீதிகளில் நிரம்பியிருப்பதையும், நபர்களை காட்டு வெள்ளம் அடித்துச் செல்வதையும் சமூக வலைத்தளங்களில் வெளியிடப்பட்டு வரும் வீடியோக்களில் காணக்கூடியதாக இருக்கின்றது.

மீட்புப் பணிகள் தொடர்ந்தும் இடம்பெற்று வருகின்றமை குறிப்பிடத்தக்கது.

 

 

 

 

 

 

 

 

 

 

 

 

 

 

 

 

 

 


Add new comment

Or log in with...