நகைச்சுவை நடிகர் விவேக், தமிழ் சினிமாவில் தற்போதுள்ள பல முன்னணி நடிகர்களுடன் இணைந்து நடித்துள்ளார். ஆனால், அவர் நடிகராக இருந்த இந்த 34 வருட காலத்தில் நடிகர் கமல்ஹாசனுடன் மட்டும் இணைந்து நடிக்கவேயில்லை.
பல சந்தர்ப்பங்களில் கமல்ஹாசனுடன் இணைந்து நடிக்க முடியாதது பற்றி தன்னுடைய வருத்தத்தைப் பதிவு செய்துள்ளார். ஷங்கர் இயக்கத்தில் கமல்ஹாசன் நடித்து வந்த 'இந்தியன் 2' படத்தில் நடிக்க ஒப்பந்தமாகி இருந்தார் விவேக். இந்தப் படத்தில் நடிப்பதன் மூலம் கமல்ஹாசனுடன் இணைந்து நடிக்க வேண்டும் என்ற அவரது ஆசை நிறைவேறியதா, இல்லையா என்பதை படக்குழுவினர் தான் தெரிவிக்க வேண்டும்.
இப்படத்தின் படப்பிடிப்பில் ஒரு சில நாட்கள் கலந்து கொண்டு விவேக் நடித்துள்ளார் என்கிறார்கள். ஆனால், கமல்ஹாசனுடன் அவருக்குக் காட்சிகள் இருந்ததா இல்லையா என்பது தெரியவில்லை. அப்படியே அவர் நடித்திருந்தாலும் அதைப் பார்க்க அவரால் முடியாது என்பதும் மிகப் பெரும் சோகமே. (தினமலர்)
அவரது உடல் நலக் குறைவுக்கு கொரோனா தடுப்பூசி காரணம் இல்லை என மருத்துவர்கள் தெரிவித்துள்ளார்கள். இந்தப் பெருந்தொற்று காலத்தில் நாம் தேவையற்ற அச்சம் கொள்வதை, வதந்திகளைப் பரப்புவதை நிறுத்தி விட்டு அரசுடன் ஒத்துழைப்போம்.
— Kamal Haasan (@ikamalhaasan) April 16, 2021
நடிகனின் கடமை நடிப்பதோடு முடிந்தது என்று இருந்துவிடாமல் தனக்குச் செய்த சமூகத்துக்கு தானும் ஏதேனும் செய்ய விரும்பியவர், செய்தவர் நண்பர் விவேக். மேதகு கலாமின் இளவலாக, பசுமைக் காவலராக வலம் வந்த விவேக்கின் மரணம் தமிழ்ச் சமூகத்திற்கு ஏற்பட்ட பேரிழப்பு.
— Kamal Haasan (@ikamalhaasan) April 17, 2021
மரங்களை விதைத்து
மனங்களில் முளைத்த
ஜனங்களின் கலைஞனுக்கு
என் புகழஞ்சலி. pic.twitter.com/sOMJVwUqFW— Kamal Haasan (@ikamalhaasan) April 17, 2021
Add new comment