|
மூன்று சபைகளை உள்ளடக்கியதாக அரசாங்கத் திணைக்களம் உருவாக்கம்;
வறுமையை ஒழிக்க அரசு புதிய திட்டம்
 பாராளுமன்றத்தில் அமைச்சர் பசில் புதிய சட்டமூலம் சமர்ப்பிப்பு
‘திவிநெகும’ வாழ்வெழுச்சி பொருளாதார திட்டத்தினை மேம்படுத்தும் வகையில்
அரசாங்கத்திணைக்களமொன்று உருவாக்கப் படவுள்ளது. இதற்கான சட்டமூலமொன்று
வெள்ளிக்கிழமையன்று பாராளுமன்றத்தில் சமர்ப்பிக்கப்பட்டுள்ளது.
நாட்டில் வறுமையை ஒழித்து தனியார், குடும்பம் மற்றும் குழுவினரை மையமாகக் கொண்ட
வாழ்வாதார பொருளாதார அபிவிருத்திச் செயற்பாடுகளை மேம்படுத்தும் வகையில் பொருளாதார
அபிவிருத்தி அமைச்சர் பசில் ராஜபக்ஷ இந்தச் சட்ட மூலத்தைப் பாராளுமன்றத்தில்
சமர்ப்பித்திருக்கிறார்.
விவரம் » |
காவியுடை தரித்த பயங்கரவாதிகள் எனும் முஸ்லிம் காங்கிரஸ் தலைவரின் கருத்து
இந்நாட்டில் ஆண்டாண்டு காலமாக பாரம்பரியத்துடன் ஒற்றுமையாக வாழ்ந்து வரும் சிங்கள -முஸ்லிம்
நல்லுறவிற்கு விழுந்த பாரிய பேரிடியாகவே நான் கருதுகிறேன் என்று பாராளுமன்ற
உறுப்பினர் ஏ.எச்.எம். அஸ்வர் நேற்றுத் தெரிவித்தார். கிண்ணியாவில் ஸ்ரீ லங்கா
சுதந்திரக் கட்சியின் காரியாலய திறப்பு விழா வில் கலந்து கொண்டுரையாற்றும் போதே
அஸ்வர் எம்.பி இவ்வாறு கூறினார். 
கிழக்கு மாகாணசபை தேர்தல் என்பது அரசாங்கத்தை மாற்றும் தேர்தல் அல்ல. அது
மாகாணத்தில் வாழும் மக்களின் அடிப்படை தேவை களான கல்வி, சுகாதாரம், போக்கு வரத்து
போன்ற வற்றை பூர்த்தி செய்யும் நடவடிக் கைக்கான தேர்தலேயாகும். எனவே தமிழ் மக்கள்
சிந்தித்து வாக்களிக்க வேண்டும் என ஜனநாயக மக்கள் காங்கிரஸ் தலைவரும் கொழும்பு
மாவட்ட பாராளுமன்ற உறுப்பினருமான பிரபா கணேசன் தெரிவித்தார். இத்தேர்தலின் மூலம்
தமிழ் மக்களின் இனப்பிரச்சினைக்கான தீர்வை காணமுடியாது. 
கிழக்கில் இனவாத பிரசார நடவடிக்கைகளில் ஸ்ரீலங்கா முஸ்லிம் காங்கிரஸ் கட்சியின்
தலைவர் அமைச்சர் ரவூப் ஹக்கீம் ஈடுபட்டு வருவதாக குற்றம் சாட்டப்பட்டுள்ளது.
இக்குற்றச்சாட்டுக்கள் நிரூபிக்கப்பட்டால் அமைச்சர் ஹக்கீம் மீது நடவடிக்கை
எடுக்கப்படும் என அரசாங்கம் அறிவித்துள்ளது.
இன அடிப்படையில் பிரசாரம் செய்து வாக்குகளை பெறக்கூடாது என்பதும் அபிவிருத்தியையும்
கொள்கையையும் விளக்கியே வாக்குகளை பெறவேண்டும் என்பதே அரசாங்கத்தின் நிலைப்பாடாகும்
என அமைச்சரவை பேச்சாளரும் ஊடகத்துறை அமைச்சருமான கெஹெலிய ரம்புக்வெல்ல தெரிவித்தார்.
