அல்–மதீனா மாணவர்கள் சதுரங்க போட்டியில் பதக்கம்

அம்பாறை மாவட்ட சதுரங்கப் போட்டியில் அட்டாளைச்சேனை கல்விக் கோட்டத்திலுள்ள, ஒலுவில் அல்–மதீனா வித்தியாலய மாணவர்கள் வெற்றியீட்டி, தேசிய மட்டப் போட்டிக்குத் தெரிவாகியுள்ளனர்.

இலங்கை சதுரங்க சம்மேளனம், சாய்ந்தமருது அல்–ஹிலால் வித்தியாலயத்தில் நடாத்திய சதுரங்கப் போட்டியில், அல்–மதீனா வித்தியாலய மாணவர்கள் ஒலுவில் லைட் ரூக் கழகத்தின் சார்பில் பங்குபற்றி வெற்றியீட்டியதாக பாடசாலை அதிபர் கே.எல். அமீர் தெரிவித்தார்.

இதில் 8 வயது ஆண்கள் பிரிவில் எம்.எப். சமி உஸ்றி தங்கப்பதக்கமும், 8 வயது பெண்கள் பிரிவு ஏ.ஏ. சபஹத் ஸீன் வெள்ளிப் பதக்கமும் வென்றதோடு, 10 வயது ஆண்கள் பிரிவு எம்.எப். உமர் முர்ஸி வெண்கலப் பதக்கம் வென்றார்.

அட்டாளைச்சேனை மத்திய நிருபர்