பிரான்ஸ் நாளை வழங்கும் மருந்துகள் மூலம் 90 நாட்கள் சத்திரசிகிச்சை மேற்கொள்ளலாம்

- பற்றாக்குறையான மருந்துகள் பட்டியலை வழங்குமாறு பிரதமர் பணிப்பு
- ஔடதங்கள் ஒழுங்குபடுத்தல்  அதிகாரசபை சட்டத்தை திருத்த சுகாதார அமைச்சர் கெஹெலிய தலைமையில் சுயாதீன குழு

இலங்கையில் உள்ள அத்தியாவசிய மருந்துகள் மற்றும் பற்றாக்குறையாக உள்ள மருந்துகள் தொடர்பான ஆவணத்தை உடனடியாக சமர்ப்பிக்குமாறு பிரதமர் ரணில் விக்கிரமசிங்க, சுகாதார அமைச்சுக்கு இன்று பணிப்புரை விடுத்துள்ளார்.

தற்போதைய பொருளாதார நெருக்கடியினால் ஏற்பட்டுள்ள போதைப்பொருள் நெருக்கடிக்கு குறுகிய கால மற்றும் நடுத்தர கால தீர்வுகள் தொடர்பில் கலந்துரையாடுவதற்காக பிரதமர் தலைமையில் இன்று (25) பிரதமர் அலுவலகத்தில் இடம்பெற்ற கலந்துரையாடலின் போதே மேற்கண்டவாறு தெரிவிக்கப்பட்டுள்ளது.

மேலும், இலங்கைக்கு கிடைத்த 200 மில்லியன் அமெரிக்க டொலர் பெறுமதியான மருந்துகளை கொள்வனவு செய்வதற்கு டொலர்கள் கிடைக்காத காரணத்தினால் இலங்கை மற்றும் இந்திய அரசாங்கங்கள் கலந்துரையாடலின் பின்னர் கடனை இலங்கை ரூபாவில் செலுத்துவதற்கு இணக்கம் தெரிவித்துள்ளதாக பிரதமர் ரணில் விக்ரமசிங்க தெரிவித்துள்ளார்.

இந்திய கடன் வசதியின் கீழ், பிரான்ஸ் அரசாங்கத்தினால் நாளை வழங்கப்படவுள்ள மருந்துகள் மற்றும் மயக்க மருந்துகளின் கையிருப்பு காரணமாக நாட்டிலுள்ள அனைத்து அவசர சத்திரசிகிச்சை நிலையங்களிலும் தொடர்ந்து 90 நாட்கள் சத்திரசிகிச்சையை மேற்கொள்ள முடியும் என சுகாதார அமைச்சர் கெஹெலிய ரம்புக்வெல்ல தெரிவித்துள்ளார்.

இதற்கிடையில், ஔடதங்கள் ஒழுங்குபடுத்தல் அதிகாரசபை மருந்துகளை விரைவாக கொள்முதல் செய்து வருகிறது. ஔடதங்கள் ஒழுங்குபடுத்தல்  அதிகாரசபை சட்டத்தை திருத்துவதற்காக சுகாதார அமைச்சர் கெஹெலிய ரம்புக்வெல்ல தலைமையில் சுயாதீன குழுவொன்று நியமிக்கப்பட்டுள்ளது.

மேலும், தற்போது 76 அத்தியாவசிய மருந்துப் பொருட்களுக்கு தட்டுப்பாடு நிலவுவதாகவும் தெரியவந்துள்ளது.

அத்துடன், உள்ளூர் மருந்து விநியோகஸ்தர்களினால் ரூ. 33 பில்லியன் செலுத்த வேண்டியுள்ளதாகவும் தெரியவந்துள்ளதாக, சுகாதார அமைச்சர் கெஹலிய ரம்புக்வெல்ல தெரிவித்தார்.

இக்கலந்துலையாடலில் அமைச்சர் நிமல் சிறிபால டி சில்வா, சுகாதார அமைச்சின் செயலாளர், முன்னாள் அமைச்சர்களான ருவன் விஜேவர்தன, சாகல ரத்நாயக்க அரசாங்க சுகாதார அதிகாரிகளும் கலந்துகொண்டனர்.


Add new comment

Or log in with...