ஜயந்த சமரவீரவின் இராஜாங்க அமைச்சு பதவி லொஹான் ரத்வத்தவிற்கு

களஞ்சிய வசதிகள், கொள்கலன் முனையங்கள், துறைமுகங்கள் வழங்கல் வசதிகள் இயந்திரப் படகுகள் மற்றும் கப்பல் தொழில் அபிவிருத்தி இராஜாங்க அமைச்சராக லொஹான் ரத்வத்த ஜனாதிபதி முன்னிலையில் இன்று (10) முற்பகல் சத்தியப்பிரமாணம் செய்து கொண்டுள்ளார்.

இதற்கு முன்னர் குறித்த பதவியிலிருந்த தேசிய சுதந்திர முன்னணி கட்சியைச் சேர்ந்த ஜயந்த சமரவீர நேற்று முன்தினம் (08) தனது பதவியை இராஜினாமா செய்திருந்தார்.

லொஹான் ரத்வத்த இரத்தினக்கல் மற்றும் தங்க ஆபரணங்கள் சார்ந்த கைத்தொழில் இராஜாங்க அமைச்சராக செயற்பட்டு வருகின்றார்.

இதற்கு முன்னர் சிறைச்சாலைகள் முகாமைத்துவம் மற்றும் கைதிகள் புனர்வாழ்வு இராஜாங்க அமைச்சராகவும் பதவி வகித்த அவர், சிறைச்சாலையில் தமிழ் கைதிகள் சிலரை அச்சுறுத்திய சம்பவம் தொடர்பில் குறித்த பதவியிலிருந்து இராஜினாமா செய்திருந்தார் என்பது குறிப்பிடத்தக்கது.