இலங்கை மற்றும் மேற்கிந்திய தீவுகள் அணிகளுக்கு இடையிலான முதலாவது டெஸ்ட் போட்டியில் மேற்கிந்திய தீவுகள் அணி முதல் இன்னிங்ஸிற்காக சகல விக்கெட்டுகளையும் இழந்து 230 ஓட்டங்களை பெற்றுள்ளது.
கடந்த நவம்பர் 21ஆம் திகதி காலி சர்வதேச விளையாட்டரங்கில் ஆரம்பமான இப்போட்டியில் நாணயச்சுழற்சியில் வெற்றி பெற்ற இலங்கை அணி முதலில் துடுப்பெடுத்தாடி சகல விக்கெட்டுகளையும் இழந்து 386 ஓட்டங்களை (2ஆவது நாளில்) பெற்றிருந்ததது.
பதிலுக்கு தனது முதல் இன்னிங்ஸை ஆரம்பித்த மேற்கிந்திய தீவுகள் அணி நேற்றைய (23) மூன்றாவது நாளில் மழை குறுக்கிட்டதன் காரணமாக, மதிய போசணை இடைவேளையைத் தொடரந்து நேற்றைய ஆட்டநேர நிறைவில் மேற்கிந்திய தீவுகள் அணி 9 விக்கெட்டுகளை இழந்து 224 ஓட்டங்களை பெற்றிருந்தது.
அந்த வகையில் 4ஆவது நாளான இன்றையதினம் (24) மேலும் 6 ஓட்டங்களை பெற்று 230 ஓட்டங்களை பெற்றிருந்த நிலையில் இறுதி விக்கெட்டும் இழக்கப்பட்டு, அவ்வணியின் முதல் இன்னிங்ஸ் நிறைவுக்கு வந்தது.
இதனைத் தொடர்ந்து 156 ஓட்டங்கள் முன்னிலையிலுள்ள இலங்கை அணி தனது இரண்டாவது இன்னிங்ஸிற்காக துடுப்பெடுத்தாடி வருகின்றது.
SRI LANKA 1ST INNINGS
WEST INDIES 1ST INNINGS