கார்கில்ஸ் (சிலோன்) பிஎல்சி நிறுவனத்தின் பணிப்பாளர்களாக துஷ்ணி வீரகோன் மற்றும் கணேசன் அம்பலவாணர் ஆகியோர் நியமிக்கப்பட்டுள்ளதாக அறிவித்துள்ளது. இலங்கையின் முன்னணி பொருளாதார நிபுணரான துஷ்ணி, காகில்ஸ் நிர்வாக சபைக்கு பல்வேறு அனுபவங்களில் இருந்து வளத்தை கொண்டு
வருவதன் மூலம், நிறுவனத்திற்கு மூலோபாய ரீதியாக பங்களிக்கிறார். இதற்கிடையில், நெஸ்லே லங்கா, நெஸ்லே இந்தோனேஷியா மற்றும் நெஸ்லே வியட்நாம் ஆகியவற்றின் முன்னாள் தலைமை நிர்வாக அதிகாரி கணேசன், தனது விரிவான உலகளாவிய நிர்வாக நிபுணத்துவத்தைப் பயன்படுத்தி, நிறுவனத்தின்
வணிகத்தை முன்னேற்றுவதில் முக்கிய பங்கு வகிக்க உள்ளார். அவர்கள் ஒன்றாக இணைந்து, காகில்ஸ் நிறுவனத்தை புதிய மைல்கற்களை நோக்கி வழிநடத்தவும், தேசிய பொருளாதாரத்தில் அதன் பங்களிப்பை மேம்படுத்தவும் தலைமைக் குழுவுடன் ஒத்துழைப்பார்கள் என்பது உறுதி. கலாநிதி துஷ்ணி வீரக்கோன் காகில்ஸ் குழுவில் சுயாதீன, நிறைவேற்று அல்லாத பணிப்பாளராக இணைவார்.
அவர் இலங்கையின் கொள்கை ஆய்வுகள் நிறுவனத்தின் (IPS) நிறைவேற்றுப் பணிப்பாளராக உள்ளூர் மற்றும் மத்திய அரசி நாணயக் கொள்கை சபையில் தற்போது நியமிக்கப்பட்ட உறுப்பினர் உட்பட பல்வேறு பதவிகளில் இலங்கை அரசாங்கத்திற்கு சேவையாற்றிய பொதுக் கொள்கை ஈடுபாடுகளில் விரிவான அனுபவத்தைக் கொண்டவர்.
இலங்கை வங்கி மற்றும் இலங்கை முதலீட்டு சபையின் பணிப்பாளரும் ஆவார். உலக வங்கி, ஆசிய அபிவிருத்தி வங்கி மற்றும் உலக வர்த்தக அமைப்பு போன்ற சர்வதேச நிறுவனங்களின் ஆலோசகராகவும், பெரு நிறுவனங்களின் குழுவில் ஒரு சுதந்திரமான நிர்வாகமற்ற இயக்குநராக பரந்தளவிலான அனுபவத்தைப் பெற்றவர், மேலும் பிராந்திய வர்த்தக ஒருங்கிணைப்பு மற்றும் சர்வதேச பொருளாதாரம் என்பவற்றில் பெரும் பொருளாதாரக் கொள்கையில் பரவலாக தனது கருத்துக்களை எழுதி வெளியிட்டுள்ளார். துஷ்ணி வீரகோன், U.K பெல்ஃபாஸ்ட் குயின்ஸ் பல்கலைக்கழகத்தில் முதல் தரப் பட்டத்துடன் பொருளாதாரத்தில் BSc பட்டத்தையும், U.K. மென்செஸ்டர் பல்கலைக்கழகத்தில் பொருளாதாரத்தில் MA மற்றும் PhD பட்டத்தையும் பெற்றுள்ளார்.
கணேசன் அம்பலவாணர் காகில்ஸ் நிறுவனத்தில் சுதந்திரமற்ற, நிர்வாகமற்ற இயக்குநராக இணைவார். மலேசிய நாட்டவரான கணேசன், நெஸ்லே குழுமத்தில் 32 ஆண்டுகள் பணியாற்றினார் மற்றும் மூன்று முறை தலைமை நிர்வாக அதிகாரியாக இருந்தார் (நெஸ்லே இந்தோனேசியா, நெஸ்லே வியட்நாம், நெஸ்லே லங்கா). கணேசன், மலேசியாவின் அறிவியல் பல்கலைக்கழகத்தில் முகாமைத்துவ (கணக்கியல் மற்றும் நிதி) பட்டதாரி ஆவார்.