தேசிய காற்பந்தாட்ட நடுவர் இர்பானுக்கு கௌரவம் | தினகரன்

தேசிய காற்பந்தாட்ட நடுவர் இர்பானுக்கு கௌரவம்

வாழைச்சேனை விசேட நிருபர்

தேசிய காற்பந்தாட்ட நடுவர் பரீட்சையில் சித்தியடைந்து கற்ற பாடசாலைக்கும், வாழைச்சேனை மண்ணுக்கும் பெருமை சேர்த்த ஏ.எல்.எம். இர்பானுக்கு அந்நூர் தேசிய பாடசாலையில் இடம்பெற்ற முப்பெரும் விழாவில் அதிபர் ஏ.எம்.எம்.தாஹிர் தலைமையில் வைத்து கௌரவம் அளிக்கப்பட்டது.

தேசிய காற்பந்தாட்ட நடுவர்களாக தெரிவுசெய்யப்பட்ட ஏழு பேரில் கிழக்கு மாகாணம் சார்பாக மட்டக்களப்பு மாவட்டத்திலிருந்து தெரிவு செய்யப்பட்ட ஒரேயொரு நடுவராக இவர் திகழ்கின்றார்.

விளையாட்டு ரீதியாக பல்வேறு தடங்களை பதித்த இவர் பிரதேசத்தின் விளையாட்டுத்துறையை அபிவிருத்தி செய்வதில் அர்ப்பணிப்புடன் செயற்பட்டு வருகின்றமை குறிப்பிடத்தக்கது. அந்த வகையில் அண்மையில் மாவட்ட ரீதியிலான போல் பெட்மின்ரன் பயிற்சிப்பட்டறை ஒன்றை அவர் தனது பாடசாலையான வாழைச்சேனை அந்நூர் தேசிய பாபடசாலையில் வெற்றிகரமாக நடாத்தி முடித்திருந்தார்.


Add new comment

Or log in with...