Tuesday, March 19, 2024
Home » அமெரிக்க முன்னாள் வெளியுறவு செயலாளர் கிஸ்ஸிங்கர் மறைவு

அமெரிக்க முன்னாள் வெளியுறவு செயலாளர் கிஸ்ஸிங்கர் மறைவு

by sachintha
December 1, 2023 12:50 pm 0 comment

அமெரிக்காவின் முன்னாள் வெளியுறவு செயலாளர் ஹென்ரி கிஸ்ஸிங்கர் தனது 100ஆவது வயதில் காலமானார்.

கிஸ்ஸிங்கர் கனெட்டிகட்டில் உள்ள அவருடைய வீட்டில் மரணித்ததாக தெரிவிக்கப்பட்டது. 1923ஆம் ஆண்டு ஜெர்மனியில் பிறந்த அவர், 1938ஆம் ஆண்டு தமது குடும்பத்துடன் அமெரிக்காவுக்குக் குடிபெயர்ந்தார். கிஸ்ஸிங்கர் 1943இல் அமெரிக்கக் குடியுரிமை பெற்றார்.

இரண்டாம் உலகப் போரின்போது அவர் ஐரோப்பாவில் இராணுவச் சேவையாற்றினார். ஹார்வட் பல்கலைக்கழகத்தில் பயின்ற அவர் 1952இல் முதுநிலைப்பட்டத்தையும் 1954இல் கலாநிதிப் பட்டத்தையும் பெற்றார். அவருக்கு இரண்டு பிள்ளைகள் உள்ளனர்.

அமெரிக்காவின் முன்னாள் ஜனாதிபதிகளான ரிச்சர்ட் நிக்சன், ஜெரால்ட் போர்ட் ஆட்சியில் 1973–1977 அவர் காலகட்டத்தில் அமெரிக்காவின் வெளியுறவுத் துறை செயலாளராக பதவி வகித்துள்ளார்.

அமெரிக்காவின் வெளியுறவுத் துறை கொள்கையில் பல முக்கிய கடுமையான முடிவுகளை எடுத்துள்ளார். மேலும், ரிச்சர்ட் நிக்சன், ஜெரால்ட் போர்ட் ஜனாதிபதிகளின் ஆட்சியில் 1969–75 காலகட்டத்தில் அமெரிக்காவின் தேசிய பாதுகாப்பு ஆலோசகராகவும் இருந்துள்ளார்.

அவருக்கு அமைதிக்கான நோபல் பரிசு வழங்கப்பட்டபோதும், மறுபுறம் அவர் ஒரு போர்க் குற்றவாளி என்று கடுமையான கண்டனங்களையும் எதிர்கொண்டார்.

அவரது இராஜதந்திரம் 1973 ஆம் ஆண்டு அரபு–இஸ்ரேலிய போரை முடிவுக்குக் கொண்டு வர உதவியது. மேலும், பாரிஸ் சமாதான உடன்படிக்கையின் பேச்சுவார்த்தை அமெரிக்காவை வியட்நாமில் இருந்து வெளியேற்றியது.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT