14வது கிராண்ட்ஸ்லம் பட்டம் வென்றார் ஜோகோவிச் | தினகரன்

14வது கிராண்ட்ஸ்லம் பட்டம் வென்றார் ஜோகோவிச்

அமெரிக்க பகிரங்க டென்னிசின் இறுதிப் போட்டியில் டெல் போட்ரோவை வீழ்த்தி குரோஷியா நாட்டைச் சார்ந்த நோவக் ஜோகோவிச் சம்பியன் பட்டம் வென்றார்.

அமெரிக்க பகிரங்க ஆண்கள் ஒற்றையர் பிரிவில் நோவக் ஜோகோவிச் பட்டம் வென்றார். கிராண்ட்ஸ்லம் போட்டிகளில் ஒன்றான அமெரிக்க பகிரங்க டென்னிஸ் நியூயோர்க்கில் நடந்தது முடிந்துள்ளது. மகளிர் ஒற்றையர் பிரிவில் ஜப்பானை சேர்ந்த ஒசாகா சம்பியன் பட்டத்தை கைப்பற்றியிருந்தார்.

இந்நிலையில், ஆடவர் ஒற்றையர் பிரிவு இறுதி போட்டியில் குரோஷியா நாட்டைச் சார்ந்த நோவக் ஜோகோவிச் சம்பியன் பட்டத்தை கைப்பற்றி அசத்தியுள்ளார். இது அமெரிக்க பகிரங்க டென்னிசில் அவரது 3-வது கிராண்ட்ஸ்லம் பட்டம் ஆகும்.

தரவரிசையில் 6-ம் இடத்தில் உள்ள ஜோகோவிச், 3-வது இடத்தில் உள்ள ஆர்ஜெண்டினா வீரர் டெல் போட்ரோவை இறுதிப்போட்டியில் எதிர் கொண்டார். இந்த போட்டியில் ஜோகோவிச் கையே ஓங்கி இருந்தது. ஆரம்பம் முதலே ஆதிக்கம் செலுத்திய ஜோகோவிச், 6-–3, 7-–6(4), 6-–3 என்ற நேர் செட்களில் டெல் போட்ரோவை வீழ்த்தி பட்டம் வென்றார்.

இதுவரை ஜோகோவிச் ஒட்டுமொத்தமாக 14 கிராண்ட்ஸ்லம் பட்டம் வென்றுள்ளார் என்பது குறிப்பிடத்தக்கது. அதிக கிராண்ட்ஸ்லாம் பட்டம் வென்றவர்களின் பட்டியலில் சுவிச்சர்லாந்தின் ரோஜர் ஃபெடரர் 20 கிராண்ட்ஸ்லம் பட்டங்களுடன் முதலிடத்தில் உள்ளார்.

ரபேல் நடால் 17 கிராண்ட்ஸ்லம் பட்டங்களுடன் இரண்டாவது இடத்தில் உள்ளார்.

அமெரிக்க பகிரங்க டென்னிசில் பட்டம் வென்றதன் மூலம் 14 கிராண்ட்ஸ்லம் பட்டங்களுடன் 3-வது இடத்தை பீட் சாம்ப்ராஸ் உடன் பகிர்ந்துகொண்டார் ஜோகோவிச்.


Add new comment

Or log in with...