மாளிகாவத்தை துப்பாக்கிச்சூட்டில் 31 வயது பெண் பலி | தினகரன்

மாளிகாவத்தை துப்பாக்கிச்சூட்டில் 31 வயது பெண் பலி

மாளிகாவத்தை துப்பாக்கிச்சூட்டில் 31 வயது பெண் பலி-Maligawatta Shooting-31 Yr Old Women Killed

 

கொழும்பு, மாளிகாவத்தை பகுதியில் மேற்கொள்ளப்பட்ட துப்பாக்கிச்சூட்டில் பெண் ஒருவர் பலியாகியுள்ளார்.

இன்று (26) மாலை 6.00 மணியளவில், மாளிகாவத்தை ஜும்மா பள்ளி சந்தி, துணி சலவை கடைக்கு அருகிலுள்ள வீதியில் வைத்து குறித்த துப்பாக்கிச்சூட்டு சம்பவம் இடம்பெற்றுள்ளதாக, பொலிஸ் ஊடக பேச்சாளர், பொலிஸ் அத்தியட்சகர் ருவன் குணசேகர தெரிவித்தார்.

இத்துப்பாக்கிச்சூட்டில் கொழும்பு 10, மாளிகாவத்தை பிளேஸில் வசிக்கும் 31 வயதான எம்.எம். சித்தி ரினோசா என்பவர் மரணமடைந்துள்ளார்.

மோட்டார் சைக்கிளில் வந்த இருவர், குறித்த பாதையால் பயணித்துக் கொண்டிருந்த பெண்ணின் மீது துப்பாக்கிச்சூட்டை நிகழ்த்திவிட்டு அங்கிருந்து தப்பிச் சென்றுள்ளனர்.

இதனையடுத்து, குறித்த பெண் கொழும்பு தேசிய வைத்தியசாலையில் அனுமதிக்கப்பட்ட நிலையில், மரணமடைந்துள்ளதாக பொலிஸ் ஊடக பேச்சாளர், ருவன் குணசேகர தெரிவித்தார்.

சடலம் தற்போது கொழும்பு தேசிய வைத்தியசாலையின் பிரேத அறையில் வைக்கப்பட்டுள்ளது.

மாளிகாவத்தை பொலிசார் மேலதிக விசாரணைகளை மேற்கொண்டுள்ளனர்.

 


Add new comment

Or log in with...