சனத் நிஷாந்த, ஜகத் சமந்தவுக்கு விளக்கமறியல் நீடிப்பு | தினகரன்

சனத் நிஷாந்த, ஜகத் சமந்தவுக்கு விளக்கமறியல் நீடிப்பு

சனத் நிஷாந்த, ஜகத் சமந்தவுக்கு விளக்கமறியல் நீடிப்பு-Sanath-Nishantha-Jagath-Samantha-further-Remanded

 

கூட்டு எதிர்க்கட்சியியைச் சேர்ந்த ஐ.ம.சு.மு.வின் புத்தளம் மாவட்ட பாராளுமன்ற உறுப்பினர் சனத் நிஷாந்த மற்றும் அவரது சகோதரரான, ஆரச்சிகட்டு பிரதேச சபையின் முன்னாள் தலைவர் ஜகத் சமந்த ஆகிய இருவருக்கும் எதிர்வரும் ஜூன் 07 ஆம் திகதி வரை விளக்கமறியல் விதிக்கப்பட்டுள்ளது.

கடந்த 2007 நவம்பர் 24 ஆம் திகதி, அப்போதைய ஆரச்சிக்கட்டுவ பிரதேச செயலாளராக இருந்த, தனசேன சுரசிங்க, சேமிப்பகம் ஒன்றை பார்வையிடச் சென்ற வேளையில் அவரை தாக்கியமை, கடமைக்கு இடையூறு விளைவித்தமை, மிக கொடூரமாக வற்புறுத்தியமை உள்ளிட்ட விடயங்களை மேற்கொண்டமை தொடர்பில் இவர்கள் இருவருக்கும் எதிராக குற்றச்சாட்டு முன்வைக்கப்பட்டிருந்தமை குறிப்பிடத்தக்கது.

குறித்த குற்றச்சாட்டு தொடர்பில் கைதான இருவருக்கும் கடந்த வருடம் 2016 ஆண்டு பிணை வழங்கப்பட்டதோடு, 2017 முதல் பிணை விதி முறைகளை மீறியதை அடுத்து, அவர்கள் கடந்த மார்ச் 19 இல் கைது செய்யப்பட்டமை குறிப்பிடத்தக்கது.

பிணை நிபந்தனைகளை மீறி செயற்பட்டமை தொடர்பில் குறித்த இருவரதும் பிணையையும் இரத்து செய்த, சிலாபம் மேல் நீதிமன்ற நீதிபதி எம்.சி.பி.எஸ். மொராயஸ் அவர்களை இன்று (24) வரை விளக்கமறியலில் வைக்குமாறு உத்தரவிட்டிருந்தார்.

அதன் அடிப்படையில் குறித்த இருவரும் இன்று (24) சிலாபம் மேல் நீதிமன்றத்தில் முன்னிலைப்படுத்தப்பட்டபோது, அவர்களை எதிர்வரும் ஜூன் 07 ஆம் திகதி வரை விளக்கமறியலில் வைக்குமாறு நீதவான் உத்தரவிட்டார்.

குறித்த இருவரையும் ஒவ்வொரு ஞாயிற்றுக்கிழமையும் காலை 9.00 மணி முதல் 12 மணி வரைக்குட்பட்ட காலப் சிலாபம் பொலிசில் முன்னிலையாகி கையொப்பமிடுமாறு பிணை நிபந்தனையில் தெரிவிக்கப்பட்ட நிலையில், அதனை மேற்கொள்ளாது தவிர்த்து வந்ததாக, சிலாபம் பொலிசாரால் நீதிமன்றில் தெரிவிக்கப்பட்டதை அடுத்து, நீதவான் குறித்த உத்தரவை வழங்கினார்.

குறித்த குற்றச்சாட்டு தொடர்பில் கைதான இருவருக்கும் கடந்த வருடம் ஜூன் மாதம் பிணை வழங்கப்பட்டதோடு, 2017 முதல் இவர்கள் பிணை விதி முறைகளை மீறியதை அடுத்து அவர்களை கைது செய்யுமாறு உத்தரவிடப்பட்டுள்ளமை குறிப்பிடத்தக்கது.

 


Add new comment

Or log in with...