Friday, March 29, 2024
Home » பங்களாதேஷுக்கு 280 வெற்றி இலக்கு; துரதிஷ்டமாக ஆட்டமிழந்த மெத்திவ்ஸ்

பங்களாதேஷுக்கு 280 வெற்றி இலக்கு; துரதிஷ்டமாக ஆட்டமிழந்த மெத்திவ்ஸ்

- சர்வதேச கிரிக்கெட் வரலாற்றில் முதன் முறை

by Rizwan Segu Mohideen
November 6, 2023 6:28 pm 0 comment

தற்போது இடம்பெறும் இலங்கை மற்றும் பங்களாதேஷ் அணிகளுக்கு இடையிலான உலகக் கிண்ண கிரிக்கெட் தொடர் போட்டியில் இலங்கை அணி சகல விக்கெட்டுக்களையும் இழந்து 279 ஓட்டங்களை பெற்றுள்ளது.

இப்போட்டியில் இலங்கை அணி சார்பில் 5ஆவது விக்கெட்டுக்காக களமிறங்கிய அஞ்சலோ மெத்திவ்ஸ் துரதிஷ்டவசமான வகையில் ஆட்டமிழந்திருந்தார்.

அதற்கு முன்னர் ஆட்டமிழந்த சதீர சமரவிக்ரமவை அடுத்து, ஆடுகளத்திற்குள் நுழைந்த அஞ்சலோ மெத்திவ்ஸ் துடுப்பாட்டத்திற்காக தயாராகாமல் தாமதித்ததால் எதிரணியான பங்களாதேஷ் வீரர்கள் அவரை ஆட்டமிழந்ததாக அறிவிக்குமாறு கோரிய நிலையில் ‘Time Out’ முறையில் அவர் ஆட்டமிழந்தாக அறிவிக்கப்பட்டார்.

மைதானம் நுழைந்த அவர் தனது தலைக்கவசத்தின் பட்டி அறுந்திருந்ததால், அவர் மற்றுமொரு தலைக்கவசத்தை கொண்டு வரும் வரை காத்திருந்த நிலையில் இச்சம்பவம் நிகழ்ந்துள்ளது.

சர்வதேச கிரிக்கெட் போட்டி ஒன்றில் இவ்வாறான ஆட்டமிழப்பு இடம்பெறுவது இதுவே முதல்முறை என்பது குறிப்பிடத்தக்கதாகும்.

அந்த வகையில், டெல்லியில் இடம்பெறும் இன்றைய போட்டியில் நாணயச் சுழற்சியில் வெற்றிப் பெற்ற பங்களாதேஷ் அணி முதலில் களத்தடுப்பை தெரிவு செய்தது.

அதற்கமைய, முதலில் துடுப்பெடுத்தாடிய இலங்கை அணி 49.3 ஓவர்கள் நிறைவில் சகல விக்கெட்டுகளையும் இழந்து 279 ஓட்டங்களை பெற்றது.

இலங்கை அணி சார்பாக சரித் அசலங்க 108 (105) ஓட்டங்களை பெற்றார். இது அவரது 2 ஆவது சர்வதேச ஒருநாள் சதமாகும்.

அவர் தவிர, பெத்தும் நிஸ்ஸங்க மற்றம் சதீர சமரவிக்ரம ஆகியோர் தலா 41 ஓட்டங்களை பெற்றுக் கொடுத்தனர்.

பந்து வீச்சில் பங்களாதேஷ் அணி சார்பில் தன்ஷிம் ஹசன் 3 விக்கெட்டுகளையும், ஷொரிபுல் இஸ்லாம் மற்றம் ஷகிப் அல் ஹஸன் ஆகியோர் தலா 2 விக்கெட்டுகளை வீழ்த்தினர்.

பதிலுக்கு பங்களாதேஷ் அணி 280 ஓட்டங்கள் எனும் வெற்றி இலக்குடன் ஆடி வருகின்றது.

Sri Lanka  (50 ovs maximum)
BATTING R B 4s 6s SR
b Tanzim Hasan Sakib 41 36 8 0 113.88
c †Mushfiqur Rahim b Shoriful Islam 4 5 1 0 80.00
c Shoriful Islam b Shakib Al Hasan 19 30 1 1 63.33
c Mahmudullah b Shakib Al Hasan 41 42 4 0 97.61
c Litton Das b Tanzim Hasan Sakib 108 105 6 5 102.85
timed out 0 0 0 0
st †Mushfiqur Rahim b Mehidy Hasan Miraz 34 36 4 1 94.44
c sub (Nasum Ahmed) b Shoriful Islam 21 31 3 0 67.74
run out (†Mushfiqur Rahim) 4 9 0 0 44.44
c Litton Das b Tanzim Hasan Sakib 0 2 0 0 0.00
not out 0 1 0 0 0.00
Extras (lb 3, w 4) 7
TOTAL 49.3 Ov (RR: 5.63) 279
Fall of wickets: 1-5 (Kusal Perera, 0.6 ov), 2-66 (Kusal Mendis, 11.3 ov), 3-72 (Pathum Nissanka, 12.4 ov), 4-135 (Sadeera Samarawickrama, 24.2 ov), 5-135 (Angelo Mathews, 24.2 ov), 6-213 (Dhananjaya de Silva, 37.6 ov), 7-258 (Maheesh Theekshana, 45.6 ov), 8-278 (Charith Asalanka, 48.4 ov), 9-278 (Kasun Rajitha, 48.6 ov), 10-279 (Dushmantha Chameera, 49.3 ov) • DRS
BOWLING O M R W ECON 0s 4s 6s WD NB
9.3 0 51 2 5.36 33 7 0 1 0
10 1 39 0 3.90 39 5 0 1 0
10 0 80 3 8.00 27 8 4 2 0
10 0 57 2 5.70 23 1 3 0 0
10 0 49 1 4.90 30 6 0 0 0

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT