264 கிலோ கழிவு தேயிலையுடன் இளைஞன் கைது | தினகரன்

264 கிலோ கழிவு தேயிலையுடன் இளைஞன் கைது

சுமார் 264 கிலோ கழிவுத் தேயிலைத் தூளுடன்( 9) அதிகாலை வெலிமடை புகுல்பொல பகுதியில் 18 வயது இளைஞர் ஒருவர் சந்தேகத்தின் பேரில் கைது செய்யப்பட்டுள்ளார்.

கழிவு தேயிலைத் தூளை கெப் ரக வாகனம்

ஒன்றில் அனுமதி பத்திரம் இல்லாமல் பதுளை வெலிமடை பிரதான வீதியில் அட்டம்பிட்டிய பகுதியிலிருந்து வெலிமடை பகுதிக்கு கொண்டு செல்லும் போது பொலிஸாரினால் இவ்வாறு கைப்பற்றப்பட்டுள்ளது. கைப்பற்றப்பட்ட கழிவு தேயிலை தூளையும், வாகனத்தையும் கைபற்றிய வெலிமடை பொலிஸார் சந்தேக நபரையும் கைது செய்து பொலிஸ் நிலையத்தில் தடுத்து வைத்து விசாரணைகளை மேற்கொண்டுள்ளனர்.

சந்தேகத்தின் பேரில் கைது செய்யப்பட்ட இளைஞரை வெலிமடை நீதவான் முன்னிலையில் ஆஜர்படுத்த நடவடிக்கை எடுத்திருப்பதாக வெலிமடை பொலிஸ் நிலைய பொறுப்பதிகாரி தெரிவித்தார்.

இச்சம்பவம் தொடர்பில் மேலதிக விசாரணைகளை வெலிமடை பொலிஸார் மேற்கொண்டு வருகின்றனர்.

 

ஹற்றன் சுழற்சி நிருபர்


Add new comment

Or log in with...