ரசிகர்களைச் சந்திக்கும் நிலையில் ரஜினியுடன் தமிழருவி மணியன் திடீர் சந்திப்பு! | தினகரன்

ரசிகர்களைச் சந்திக்கும் நிலையில் ரஜினியுடன் தமிழருவி மணியன் திடீர் சந்திப்பு!

 

தன் ரசிகர்களை எதிா்வரும் 26-ம் திகதி நடிகர் ரஜினிகாந்த் சந்திக்க இருக்கும் நிலையில் அவரை காந்திய மக்கள் இயக்கத் தலைவர் தமிழருவி மணியன் திடீரென சந்தித்துப் பேசியிருப்பது பரபரப்பை ஏற்படுத்தியிருக்கிறது.

நடிகர் ரஜினிகாந்த் அரசியல் பேசத் தொடங்கியதும் அவரின் இல்லத்துக்கே சென்று சந்தித்தார் தமிழருவி மணியன். மேலும், கடந்த ஓகஸ்ட் 20-ம் திகதி திருச்சியில் ரஜினிகாந்த்தின் அரசியல் பிரவேசம் அவசியம் என்று வலியுறுத்தி அரசியல் விழிப்பு உணர்வு மாநாடு ஒன்றையும் நடத்தினார். ரஜினியும் தன் ரசிகர்கள் இந்த மாநாட்டில் கலந்துகொள்ள வேண்டும் என்று கூறியிருந்தார். அதனால், ஏராளமான ரசிகர்கள் அக்கூட்டத்தில் கலந்துகொண்டனர்.

இந்தாண்டில் இரண்டாவது முறையாக ரஜினி, தன் ரசிகர்களை எதிா்வரும் 26-ம் திகதி முதல் 31-ம் திகதி வரை சந்திக்க இருப்பதாக அறிவிக்கப்பட்டுள்ளது. முன்னதாக, கடந்த மே 15 முதல் 19-ம் திகதி வரை ராகவேந்திரா மண்டபத்தில் ரஜினி, தன் ரசிகர்களைச் சந்தித்துப் பேசியிருந்தார். ரசிகர்கள் சந்திப்புக்கு 4 நாட்களே இருக்கும் நிலையில் ரஜினியை, அவரின் அரசியல் ஆலோசகராகக் கருதப்படும் தமிழருவி மணியன் நேற்று திடீரென சந்தித்துப் பேசினார். ரசிகர்களுடனான சந்திப்பு, தமிழக அரசியல் சூழ்நிலை உள்ளிட்ட பல்வேறு விவகாரங்கள் தொடர்பாகத் தமிழருவி மணியனுடன், ரஜினி ஆலோசனை நடத்தியதாகத் தெரிகிறது. 


There is 1 Comment

Pages

Add new comment

Or log in with...