இலங்கைக்கு 393 ஓட்ட இலக்கு; ரோஹித் ஷர்மா சாதனை | தினகரன்

இலங்கைக்கு 393 ஓட்ட இலக்கு; ரோஹித் ஷர்மா சாதனை

 

இலங்கை அணி சார்பில் அதிகூடிய ஓட்டங்களை வழங்கிய வீரராக நுவன் பிரதீப்

இலங்கை மற்றும் இந்திய அணிகளுக்கிடையிலான இரண்டாவது ஒரு நாள் போட்டி தற்போது பஞ்சாப்பிலுள்ள மொஹாலி விளையாட்டரங்கில் இடம்பெற்று வருகின்றது.

போட்டியில் முதலில் துடுப்பெடுத்தாடிய இந்திய அணி அதிரடியாக விளையாடி 4 விக்கெட்டுகளை மாத்திரம் இழந்து 392 ஓட்டங்களை குவித்துள்ளது.

போட்டியில் நாணய சுழற்சியில் வெற்றி பெற்ற இலங்கை அணி, முதலில் களத்தடுப்பை தெரிவு செய்தது.

அந்த வகையில் முதலில் துடுப்பெடுத்தாடிய இந்திய இலங்கை அணியின் பந்துவீச்சை மிக இலாவகமாக எதிர்கொண்ட இந்திய அணி சார்பில், அவ்வணியின் தலைவர் ரோஹித் சர்மா இரட்டைச் சதத்தை பூர்த்தி செய்தார்.

அந்த வகையில் மூன்று இரட்டைச் சதங்களை பூர்த்தி செய்த முதலாவது வீரராக ரோஹித் சர்மா தனது பெயரை பதிவு செய்தார்.

அவ்வணி சார்பில் ஷ்ரேஷ் ஐயர் 88 ஓட்டங்கள், சிகர் தவான் 68 ஓட்டங்களைப் பெற்றனர்.

இலங்கை அணி தலைவர், திசர பெரேரா 8 ஓவர்கள் பந்துவீசி 80 ஓட்டங்களை வழங்கி 3 விக்கெட்டுகளை கைப்பற்றியிருந்தார்.

நுவன் பிரதீப் 10 ஓவர்கள் பந்துவீசி விக்கெட் எதனையும் பெற்றுக்கொள்ளாது, 106 ஓட்டங்களை வழங்கியிருந்தார். இது இலங்கை அணி பந்துவீச்சாளர் வீரர் ஒருவர் பெற்றுக் கொடுத்த அதிகூடிய ஓட்டம் என்பதோடு, ஒரு நாள் போட்டியில் பந்துவீச்சாளர் ஒருவரால் வழங்கப்பட்ட அதிகூடிய ஓட்ட வரிசையில் மூன்றாவது இடமாகும். (மிக் லுயிஸ் 113, வஹாப் றியாஸ் 110, புவனேஸ்வர் 106)

இலங்கை அணியின் பந்துவீச்சை மிக இலாவகமாக எதிர்கொண்ட இந்திய அணி, மொஹாலி விளையாட்டரங்கில் அணி ஒன்று பெற்ற அதிகூடிய ஓட்டங்களான 393 எனும் ஓட்ட இலக்கை நோக்கி துடுப்பெடுத்தாடி வரும் இலங்கை அணி தற்போது வரை 3 விக்கெட்டுகளை இழந்து 82 ஓட்டங்களை பெற்றுள்ளது.

மூன்று போட்டிகளைக் கொண்ட இத்தொடரின் முதல் போட்டியை இலங்கை அணி வெற்றி பெற்றிருந்தது.

 


Add new comment

Or log in with...