Thursday, March 28, 2024
Home » சினோபெக் எரிபொருள் விநியோகத்தில் முறைகேடு

சினோபெக் எரிபொருள் விநியோகத்தில் முறைகேடு

- எரிபொருள் நிரப்பு நிலையத்திற்கு சீல் வைப்பு

by Prashahini
October 31, 2023 3:48 pm 0 comment

எரிபொருள் விநியோகத்தில் இடம்பெற்றதாக கூறப்படும் முறைகேடு காரணமாக, பிலியந்தலை போகுந்தர கூட்டுறவுச் சங்கத்திற்கு சொந்தமான பிலியந்தலை நகரின் மையப்பகுதியில் உள்ள சினோபெக் எரிபொருள் நிரப்பு நிலையம் தற்காலிகமாக சீல் வைக்கப்பட்டுள்ளதாக இலங்கை பெற்றோலிய கூட்டுத்தாபனத்தின் நுகேகொட பிராந்திய அலுவலகம் தெரிவித்துள்ளது. .

கொழும்பு – ஹொரணை 120 பஸ் வழித்தடத்தில் பிலியந்தலை பொலிஸ் நிலையத்திற்கு அடுத்ததாக அமைந்துள்ள போகுந்தர பல்வேறு சேவைகள் கூட்டுறவு சங்கத்திற்கு சொந்தமான சினோபெக் பெற்றோல் நிலையத்தில் இருந்து எரிபொருள் விநியோகத்தில் முறைகேடு நடப்பதாக பெற்றோலிய கூட்டுத்தாபனத்திற்கு முறைப்பாடுகள் கிடைத்திருந்தன.

அதன்படி, நுகேகொடை பிராந்திய அலுவலகத்தின் பகுதி முகாமையாளர் டொன் பிரசன்ன டிலிருக் ஜயசிங்க உள்ளிட்ட அதிகாரிகள் குழு நேற்று (30) இரவு எரிபொருள் நிரப்பு நிலையத்தில் திடீர் சோதனை மேற்கொண்டனர்.

இதையடுத்து குறித்த எரிபொருள் நிலையத்திற்கு சீல் வைக்கப்பட்டுள்ளமை குறிப்பிடத்தக்கது.

மேலும் செய்திகள்...

Leave a Comment

இலங்கையின் மிகவும் நம்பகமான மற்றும் புதுமையான ஊடக சேவை வழங்குநர்

Facebook

@2024 – All Right Reserved. Designed and Developed by Lakehouse IT