வேலைநிறுத்தம் கைவிடும் வரை பேச்சுவார்த்தை கிடையாது இலங்கையின் உண்மை நிலையை உலகிற்கு காட்டுவதற்கான அரிய சந்தர்ப்பம் பொதுநலவாய கூட்டத்திற்கு தீர்மானம் எடுக்கும் அதிகாரமில்லை கிழக்கு, சப்ரகமுவ, வடமத்திய மாகாண சபை தேர்தல் இன்று நேரகாலத்துடன் சென்று வாக்களிக்குமாறு வேண்டுகோள் மின் வெட்டு நேற்றுடன் நீக்கம் டிரான் அலஸ் கட்சி செயலர் பதவியிலிருந்து விலகல் அரச தொழில் நுட்ப சேவைக்கு ஆட்சேர்ப்பு மர்மப் பொருள்களை கண்டால் தொட வேண்டாம் இலங்கை ரூபாவின் பெறுமதி ஸ்திர நிலையில் இலங்கையரை நட்பு ரீதியாக அணுக வேண்டும் ஊடகவியலாளருக்கு வருட இறுதிக்குள் வாகன கடன் சட்டவிரோதமாக அவுஸ்திரேலியா செல்ல முயன்ற 58 பேர் திருமலையில் கைது ஆயுதத்தால் தாக்கி சட்டத்தரணி கொலை இந்தியாவுடன் இலங்கை இராஜதந்திர உறவு க.பொ.த. உயர்தர பரீட்சையின் திருத்தப்பட்ட தரவரிசை பட்டியல்

கொழும்பில் நேற்று ஆரம்பமான

பொதுநலவாய கூட்டத்திற்கு தீர்மானம் எடுக்கும் அதிகாரமில்லை

கொழும்பில் நேற்று ஆரம்பித்த 58வது பொதுநலவாய பாராளுமன்ற ஒன்றிய கூட்டத்தொடரில் முன்வைக்கப்ப டும் பிரேரணைகளில் மனித உரிமை மீறல்கள் பற்றி பொதுநல அமைப்பு நாடுகளில் விசாரணை செய்வதற்கு ஒரு ஆணையாளரை நியமிக்க வேண்டும் என்ற பிரேரணையும் இருக்கின்றது.

சபாநாயகர் சமல் ராஜபக்ஷ அவர்க ளின் உத்தியோகபூர்வ வாசஸ்தலத் தில் நேற்று காலை நடந்த ஊடகவிய லாளர் மாநாட்டில் ஜனாதிபதி மஹி ந்த ராஜபக்ஷ அவர்கள் இது பற்றி கரு த்துத் தெரிவிக்கையில், கொழும்பு மாநாட்டில் மனித உரிமைகள் பற்றிய ஆணையாளர் ஒருவரை நியமிக்க வேண்டும் என்ற பிரேரணை விவாதத் திற்கு எடுத்துக் கொள்ள முடியுமே ஒழிய இந்த மாநாட்டிற்கு தீர்மானம் எடுக்கும் அதிகாரம் இல்லை என்று கூறினார். ஜனாதிபதி அவர்கள் தொடர் ந்தும் கருத்து தெரிவிக்கையில் அவுஸ்திரேலியாவின் பெர்க் நகரில் நடந்த பொதுநலவாய நாடுகளின் மாநாட்டில் மனித உரிமை மீறல்கள் பற்றி ஆராய்வதற்கு ஒரு ஆணையாளரை நியமிக்க வேண்டும் என்ற கனடாவின் பிரேரணை ஏற்றுக் கொள்ளப்பட வில்லை என்று கூறினார்.

இதற்கான ஆணையாளர் இலங்கையில் நடைபெற்றதாக கூறப்படும் மனித உரிமை மீறல்களை ஆய்வு செய்வதற்காக அல்ல பொதுநல அமைப்பு நாடுகள் அனைத்திலும் இடம்பெறும் மனித உரிமை மீறல்களை ஆராய்வதற்காகவே நியமிப்பதென்று இந்தப் பிரேரணையில் யோசனை தெரிவிக்கப்பட்டிருக்கிறது என்றும் ஜனாதிபதி கூறினார். இந்த நிகழ்வில் கலந்துகொண்ட ஐக்கிய தேசியக் கட்சியின் பாராளுமன்ற உறுப்பினர் ஜோன் அமரதுங்க இந்த மாநாட்டில் ஐக்கிய தேசியக் கட்சியின் சார்பில் தானும் ஜே.வி.பி யின் சார்பில் விஜித ஹெரத்தும், தமிழ் தேசியக் கூட்டமைப்பின் சார்பில் திரு. சுமந்திரனும் கலந்து கொள்ள இருப்பதாக கூறினார்.

இந்த மாநாட்டில் ஐக்கிய தேசியக் கட்சியும் ஏனைய எதிர்க்கட்சிகளும் எங்கள் நாட்டிற்கு அகெளரவத்தை ஏற்படுத்தக் கூடிய வகையில் கருத்துக்களை வெளியிட மாட்டோம் என்றும் நாட்டின் மேம்பாட்டுக்காக நாம் அரசாங்கத்துடன் ஒத்துழைப்போம் என்றும் திரு. ஜோன் அமரதுங்க கூறினார்.

ஆசிரியருக்கு எழுதுங்கள் | அச்சுப் பிரதி