அமைச்சர்கள் மாறினாலும் பொது தீர்மானங்கள் நிறைவேற்றப்படுவது ஒருபோதும் நிறுத்தப்படக் கூடாது இந்திய புதிய ஜனாதிபதிக்கு ஜனாதிபதி மஹிந்த வாழ்த்து குற்றவாளிகளை கைது செய்வதில் அரசியல் அழுத்தங்களுக்கு இடமில்லை இலங்கையின் பொருளாதாரக் கொள்கை நாட்டின் அபிவிருத்திக்கு பலம் சேர்க்கும் நல்லூர் கந்தன் இன்று கொடியேற்றம் வர்ணச்சாயங்களால் வீதிகளில் எழுதுவதை தவிர்க்குமாறு தேர்தல்கள் ஆணையாளர் வேண்டுகோள் முன்கூட்டி அறிவித்த பின்னரே இனிமேல் மின்வெட்டு அமுல் கடல் எல்லைக்குள் அத்துமீறிய 23 தமிழக மீனவர்கள் கைது போலி தங்க நகைகளை அடகு வைத்து மோசடி; ஹட்டனில் 2 பெண்கள் உட்பட மூவர் கைது வட மாகாண மருத்துவ அதிகாரிகள் இன்று அடையாள வேலை நிறுத்தம் கேகாலை மாவட்ட தமிழ் பிரதிநிதியை வென்றெடுக்க இறுதி சந்தர்ப்பம் கணவன், மனைவி சடலங்கள் மீட்பு; காணித்தகராறினால் கொலையானதாக சந்தேகம்

கடல் எல்லைக்குள் அத்துமீறிய 23 தமிழக மீனவர்கள் கைது

* 5 வள்ளங்களும் கைப்பற்றப்பட்டன

* ஆகஸ்ட் 6ம் திகதிவரை தடுத்து வைப்பு

கே. அசோக்குமார்

இலங்கை கடல் எல்லைக்குள் அத்துமீறி மீன்பிடித்துக் கொண்டிருந்த தமிழக மீனவர்கள் 23 பேரை இலங்கை கடற்படையினர் கைது செய்துள்ளனர். அவர்களது 5 வள்ளங்களையும் கைப்பற்றியுள்ளதாக கடற்படை பேச்சாளர் கமாண்டர் கோசல வர்ணகுல சூரிய தெரிவித்தார்.

கடந்த 22 ம் திகதி மாலை 3.30 மணியளவில் தம்பபன்னை கடற்படை முகாமிலிருந்து புறப்பட்ட கடற்படையின் அதிவேக படகுகள் பேசாலை கடற்பரப்பில் இவர்களை கைது செய்துள்ளனர்.

ஐந்து படகுகள், மற்றும் மீன்பிடி உபகரணங்களுடன் தமிழக மீனவர் 23 பேரும் நேற்று மன்னார் மாஜிஸ்திரேட் முன்னிலையில் ஆஜர்படுத்தப்பட்டனர். எதிர்வரும் ஆகஸ்ட் மாதம் 6ம் திகதி வரை 23 தமிழக மீனவர்களையும் தடுத்து வைக்குமாறு மாஜிஸ்திரேட் நேற்று உத்தரவிட்டுள்ளார்.

ராமேஸ்வரத்தை சேர்ந்த செல்லத்துரை என்பவருக்குச் சொந்தமான 2 படகுகளில் இருந்த சுப்பிரமணி (வயது 45), முருகேசன், திருமுருகன், பாலமுருகன், முனியசாமி, முருகன், மாரி, பஞ்சவர்ணம், பாலமுருகன் ஆகியோரும் முருகன் என்பவரின் படகில் இருந்து முத்துமாணிக்கம், அண்ணாமலை, குமார், நம்புராஜன், முருகன் ஆகியோரும் ஜஸ்டின் என்பவரின் படகில் இருந்த அந்தோனி சிலுவை, கருப்பையா, நசீர், கோவிந்தன் ஆகியோரும் மோட்ச அலங்காரம் என்பவரின் படகில் இருந்த ராஜ்பு, ஜுலியஸ், கிறிஸ்டோபர், எல்ரோம், நிவாசர் என மொத்தம் 23 மீனவர்கள் இலங்கை கடற்படையினரால் பிடிக்கப்பட்டதாக தமிழக செய்திகள் தெரிவிக்கின்றன.

ஆசிரியருக்கு எழுதுங்கள் | அச்சுப் பிரதி