எதிரியின் 12 வருட சிறைத் தண்டனை ரத்து; மேன்முறையீட்டு நீதிமன்றம் மரணதண்டனை விதிப்பு வட மாகாணசபை தேர்தல் 2013இல் திருமுறிகண்டியில் 18 குடும்பங்களும் இன்று சொந்தக்காணியில் மீள்குடியேற்றம் இந்திய அமைச்சர் ஜெயராம் ரமேஷ் இலங்கை வருகை அடித்துக் கொலை செய்யப்பட்ட பொதுச் சுகாதார பரிசோதகரின் குடும்பத்தினருக்கு நஷ்டஈடு பொதுப்பணிகளில் ஈடுபடும் அரச ஊழியர்களுக்கு துப்பாக்கி ஏந்திய படை வீரர் பாதுகாப்பு தேயிலை கொழுந்து பறிக்கச் சென்ற பெண் வாவிக்குள் இருந்து சடலமாக மீட்பு யாழ் குடாநாட்டில் 5 பொது மக்களுக்கு ஒரு இராணுவம் என்பது தவறானது ஊடக ஒழுங்கு விதிகள் கோவை பூர்த்தி; பாராளுமன்றில் சமர்ப்பிப்பு பாராளுமன்ற ஜனநாயகத்துக்கு பட்டிமன்றங்கள் தான் அடித்தளமிட்டன செய் நன்றி மறந்து இந்திரா காமராஜரை தூக்கி எறிந்தார்

பொதுப்பணிகளில் ஈடுபடும் அரச ஊழியர்களுக்கு துப்பாக்கி ஏந்திய படை வீரர் பாதுகாப்பு

மர்லின் மரிக்கார்

நுளம்பு ஒழிப்பு போன்ற பொது மக்கள் நலன் சார்ந்த பணிகளில் ஈடுபடும் அரசாங்க ஊழியர்களின் பாதுகாப்பை உறுதிப்படுத்தும் வகையில் ஆயுதங்களுடன் பாதுகாப்பு படையினர் கடமையில் ஈடுபடுத்தப்படுவர் என்று சுகாதார அமைச்சர் மைத்திரிபால சிறிசேன நேற்றுத் தெரிவித்தார்.

நுளம்பு ஒழிப்பு பணிகளில் ஈடுபடுகின்ற அரசாங்க உத்தியோகத்தர்கள் கடந்த சில தினங்களாக முகம் கொடுக்கும் அச்சுறுத்தல் மற்றும் தம்பலகாமத்தில் பொது சுகாதார பரிசோதகர் ஒருவர் கொடூரமாக அடித்துப் படுகொலை செய்யப்பட்டமை என்பவற்றை அடிப்படையாகக் கொண்டே இவ்வாறான நடவடிக்கையை முன்னெடுப்பதற்கு தீர்மானித்திருப்பதாகவும் அமைச்சர் குறிப்பிட்டார்.

சுகாதார அமைச்சின் கேட்போர் கூடத்தில் நேற்று நடைபெற்ற செய்தியாளர் மாநாட்டின் போதே அமைச்சர் மேற்கண்டவாறு கூறினார்.

இது தொடர்பாக அமைச்சர் மேலும் கூறுகையில் :-டெங்கு ஒழிப்பு பணியில் ஈடுபடுகின்ற அரசாங்க ஊழியர்கள் கடந்த சில தினங்களாக முகம் கொடுத்துள்ள அச்சுறுத்தல்கள் தொடர்பாக ஜனாதிபதியுடன் கலந்துரையாடினேன். அதனால் அரசாங்க ஊழியர்களின் பாதுகாப்பை உறுதிப்படுத்துவதற்கு ஆயுதங்களுடன் பாதுகாப்பு படையினரைக் கடமையில் ஈடுபடுத்துவது குறித்து கவனம் செலுத்தப்பட்டுள்ளது.

தற்போதைய சூழலில் டெங்கு ஒழிப்பு பணியில் பொதுசுகாதார பரிசோதகர்களும், நுண்ணுயிரியல் நிபுணர்களும் அர்ப்பணிப்புடனேயே செயற்படுகின்றனர். அவர்களது பாதுகாப்பை உறுதிப்படுத்துவது அரசாங்கத்தின் பொறுப்பாகும்.

டெங்கின் உயிராபத்திலிருந்து பொதுமக்களைப் பாதுகாப்பதற்காகவே இவர்கள் உழைக்கின்றனர்.  அவர்களது கடமைக்கு இடையூறு விளைவிப்பதும் அவர்களைப் படுகொலை செய்வதும் ஏற்றுக்கொள்ள முடியாத விடயமாகும்.

டெங்கு நுளம்பு ஒழிப்பு பணிகளில் அண்மையில் நீர்கொழும்பு பிரதேசத்தில் ஈடுபட்டிருந்த பொது சுகாதார பரிசோதகர்கள் உள்ளிட்ட அரசாங்க ஊழியர்களது கடமைக்கு சிலர் இடையூறு விளைவித்துள்ளனர். இச்சமயம் நபரொருவர் வாளை உருவிக்கொண்டு அவர்களைத் துரத்தியுள்ளார். இது ஏற்றுக்கொள்ள முடியாததாகும் என்றார்.

ஆசிரியருக்கு எழுதுங்கள் | அச்சுப் பிரதி