எதிரியின் 12 வருட சிறைத் தண்டனை ரத்து; மேன்முறையீட்டு நீதிமன்றம் மரணதண்டனை விதிப்பு வட மாகாணசபை தேர்தல் 2013இல் திருமுறிகண்டியில் 18 குடும்பங்களும் இன்று சொந்தக்காணியில் மீள்குடியேற்றம் இந்திய அமைச்சர் ஜெயராம் ரமேஷ் இலங்கை வருகை அடித்துக் கொலை செய்யப்பட்ட பொதுச் சுகாதார பரிசோதகரின் குடும்பத்தினருக்கு நஷ்டஈடு பொதுப்பணிகளில் ஈடுபடும் அரச ஊழியர்களுக்கு துப்பாக்கி ஏந்திய படை வீரர் பாதுகாப்பு தேயிலை கொழுந்து பறிக்கச் சென்ற பெண் வாவிக்குள் இருந்து சடலமாக மீட்பு யாழ் குடாநாட்டில் 5 பொது மக்களுக்கு ஒரு இராணுவம் என்பது தவறானது ஊடக ஒழுங்கு விதிகள் கோவை பூர்த்தி; பாராளுமன்றில் சமர்ப்பிப்பு பாராளுமன்ற ஜனநாயகத்துக்கு பட்டிமன்றங்கள் தான் அடித்தளமிட்டன செய் நன்றி மறந்து இந்திரா காமராஜரை தூக்கி எறிந்தார்

திருமுறிகண்டியில் 18 குடும்பங்களும் இன்று சொந்தக்காணியில் மீள்குடியேற்றம்

காணிகள் அடையாளம் காணப்பட்டதால் முரண்பாடுகள் தீர்ந்தன

மகேஸ்வரன் பிரசாத்

காணிகளை அடை யாளம் காண்பதில் ஏற்பட்ட சிக்கல் கார ணமாக முல்லைத்தீவு திருமுறிகண்டி பகுதியில் மீள்குடியமர்த்தப் படாத 18 குடும்பங்களையும் இன்று மீள்குடியேற்ற நடவடிக்கை எடுத்திருப்பதாக முல்லைத்தீவு மாவட்ட அரசாங்க அதிபர் நா.

வேதநாயகன் தெரிவி த்தார். இந்த 18 குடும்பங்க ளும் தமது சொந்தக் காணிகளிலேயே மீள்குடியமர்த்தப்படவிரு ப்பதாக அவர் குறிப் பிட்டார். இவர்களை மீள்குடியமர்த்து வதற்கான அனுமதி மீள்குடியேற்ற அமைச்சிடமிருந்து கிடைத்திருப்பதாகவும் அவர் கூறினார்.

கடந்த மாதம் 23 ஆம் திகதி திருமுறிகண்டி பிரதேசத்தில் 47 குடும்பங்களை மீள்குடியேற்ற நடவடிக்கை எடுக்கப்பட்டிருந்தது. இவற்றில் 18 குடும்பங்களின் காணிகளை அடையாளம் காண்பதில் சிக்கல் ஏற்பட்டிருந்தது. இதனைத் தொடர்ந்து இவர்கள் மீண்டும் நலன்புரி நிலையத்துக்கு அழைத்துச் செல்லப்பட்டிருந்தனர்.

இந்நிலையில் குறிப்பிட்ட 18 குடும்பங்களில் 3 குடும்பங்கள் தவிர ஏனைய குடும்பங்களின் காணிகள் அடையாளம் காணப்பட்டுள்ளதாக முல்லைத்தீவு மாவட்ட அரசாங்க அதிபர் குறிப்பிட்டார். காணிகள் அடையாளம் காணப்படாத 3 குடும்பங்களும் ஏனையவர்களுடன் இணைந்து இப்பகுதியிலேயே மீள்குடியேற இணங்கியுள்ளனர். இது தொடர்பில் அவர்கள் சுய விருப்பிலான ஒப்புதல் கடிதங்களைச் சமர்ப்பித்திருப்பதாகவும் அவர் குறிப்பிட்டார்.

இவர்களை மீள்குடியமர்த்துவது தொடர்பான அனுமதிக் கடிதம் மீள்குடியேற்ற அமைச்சிலிருந்து எமக்குக் கிடைக்கப்பெற்றுள்ளது. இதற்கமைய 18 குடும்பங்களையும் மீள்குடியேற்ற இன்று நாம் நடவடிக்கை எடுத்துள்ளதாகவும் அவர் கூறினார்.

முன்னதாக திருமுறிகண்டியில் இடம்பெயர்ந்த மக்களை வேறு இடங்களில் மீள்குடியேற்றும் முயற்சிகள் எடுக்கப்படுவ தாக முன்னர் பிரசாரங்கள் முன்னெடுக்க ப்பட்டிருந்தன. எனினும் அவ்வாறு முன்வைக்கப்பட்டிருந்த குற்றச்சாட்டுக்களை மீள்குடியேற்ற அமைச்சும், முல்லைத்தீவு மாவட்ட செயலகமும் மறுத்திருந்தன.

இதேவேளை முல்லைத்தீவு மாவட்டத்தின் சிவநகர் பகுதியில் எதிர்வரும் வெள்ளிக்கிழமை 140 குடும்பங்கள் மீள்குடியமர்த்தப்படவிருப்பதாக முல்லைத்தீவு அரசாங்க அதிபர் வேதநாயகன் தெரிவித்தார். இவர்களை மீள்குடியமர்த்துவதற்கான பாதுகாப்பு அனுமதி கிடைக்கப்பெற்றிருப்பதாகவும் அவர் குறிப்பிட்டார்.

ஆசிரியருக்கு எழுதுங்கள் | அச்சுப் பிரதி