சிறுவர் பாலியல் குற்றச்சாட்டுகளுக்கு கடும் தண்டனை பாராளுமன்றம் கூடும் தினங்களில் எம்.பிக்களுக்கு எதிரான வழக்குகளை மேற்கொள்ள வேண்டாம் பாராளுமன்ற அமர்வுகளில் எம். பிக்கள் கலந்துகொள்வது மிக அவசியம் முதல் ஆறு மாத காலத்தில் 700 சிறுவர் பாலியல் சம்பவங்கள் 16 நெல் மூடைகளை தின்று தீர்த்த யானைகள் ஜனாதிபதியின் திறமை மிக்க தலைமையில் இலங்கையின் பொருளாதாரம் பாரிய வளர்ச்சி நீர்மின் உற்பத்தி பாதிக்கப்பட்டாலும் மின்வெட்டு அமுல்படுத்தப்படாது நெல் கொள்வனவுக்கு மேலும் ரூ. 200 கோடி ஜப்பான் ‘டூனாகிங்’ இன்று இலங்கை வருகை உகண்டா பாராளுமன்ற குழு நேற்று சபைக்கு வருகை சி.ஐ.டி விசாரணைக்கு யாழ். நீதவான் கணேசராஜா உத்தரவு வீதி விபத்து, மரணங்களைத் தடுப்பது பொலிஸாரின் பாரிய பொறுப்பு தொழிற்சங்க நடவடிக்கைக்கு நீதிமன்றம் தடை

பாராளுமன்றம் கூடும் தினங்களில் எம்.பிக்களுக்கு எதிரான வழக்குகளை மேற்கொள்ள வேண்டாம்

நீதிச்சேவை ஆணைக்குழுவுக்கு அறிவிக்க சபாநாயகர் பணிப்பு

மர்லின் மரிக்கார், எம்.எஸ். பாஹிம்

பாராளுமன்றம் கூடும் தினங்களில் பாராளுமன்ற உறுப்பினர்களுக்கு எதிரான வழக்கு விசாரணைகளை மேற்கொள்ள வேண்டாமென நீதிச் சேவை ஆணைக்குழுவுக்கு அறிவிக்குமாறு பாராளுமன்ற செயலாளர் நாயகத்திற்கு சபாநாயகர் சமல் ராஜபக்ஷ நேற்று பணிப்புரை விடுத்தார்.

புத்தளம் மாவட்ட எம்.பி. ரங்க பண்டாரவை கைது செய்யுமாறு சிலாபம் நீதவான் பிடியாணை பிறப்பித்திருப்பது தொடர்பிலும் சம்பந்தப்பட்ட நீதவானுக்கு அறிவிக்குமாறும் சபாநாயகர் பணித்தார்.

பாலித ரங்க பண்டார எம்.பி. எழுப்பிய ஒழுங்குப் பிரச்சினைக்கு பதிலளித்த போதே சபாநாயகர் மேற்கண்டவாறு கூறினார்.

தனக்கெதிரான வழக்கொன்று 5 ஆம் திகதி சிலாபம் நீதி மன்றத்தில் விசாரணைக்கு எடுக்கப்பட இருந்ததாகவும் இன்று பாராளுமன்றம் கூடுவதால் நீதிமன்றத்திற்கு வர முடியாததை பாராளுமன்ற செயலாளரின் கடிதத்தினூடாக அறிவித்ததாகவும் ரங்க பண்டார எம்.பி. கூறினார். இருந்தும் தன்னை கைது செய்ய நீதிமன்றம் பிடிவிறாந்து பிறப்பித்துள்ளதாக கூறிய அவர், மேற்படி பிடிவிராந்தை செயற்படுத்துவதை நிறுத்த நடவடிக்கை எடுக்குமாறு சபாநாயகரை கோரினார்.

இதற்குப் பதிலளித்த சபாநாயகர் சமல் ராஜபக்ஷ, பாராளுமன்றம் கூடும் நாளில் எம்.பி. ஒருவருக்கு எதிராக வழக்கு இருந்தாலும் பாராளுமன்றத்திற்கு சமுகமளிப்பதற்கே முன்னுரிமை வழங்கப்பட வேண்டும்.

இது தொடர்பில் நீதிச்சேவை ஆணைக்குழுவுடன் பாராளுமன்ற ஒழுங்குக்குழு பேசி ஏற்கெனவே முடிவு எடுத்துள்ளது. எனவே, இது தொடர்பாக பாராளுமன்ற செயலாளர் நாயகத்தினூடாக சம்பந்தப்பட்ட தரப்பினருக்கு அறிவிப்பதாகக் கூறினார்.

ஆசிரியருக்கு எழுதுங்கள் | அச்சுப் பிரதி